اسرائیلی فوجیوں نے نمازیوں پر آنسو گیس پھینک دی۔
مقبوضہ مغربی کنارے کے مقامی ذرائع ابلاغ کے شیئر کردہ ویڈیو مناظر میں اسرائیلی فوج کی جانب سے مسجد کے اندر پھینکی گئی آنسو گیس سے درجنوں فلسطینی متاثر ہوتے دِکھائی دے رہے ہیں۔
آنسو گیس اُس وقت پھینکی گئی جب نمازی مسجد میں نمازِ عشاء ادا کر رہے تھے۔ گیس کی وجہ سے کچھ نمازی کھانستے اور آنکھوں کو ڈھانپے ہوئے مسجد سے باہر نکل آئے اور کچھ نے نماز جاری رکھنے کی کوشش کی۔
اطلاع کے مطابق آنسو گیس کے باعث مسجد میں موجود دو بزرگ فلسطینیوں کو دم گھٹنے کا خطرہ لاحق ہوگیا۔
