ترکیہ
2 منٹ پڑھنے
پوپ لیوXIV اپنے پہلے غیر ملکی دورے پر ترکیہ پہنچ گئے
پاپائے روم کو صدارتی کمپلیکس میں باضابطہ طور پر خوش آمدید کہا جائے گا، جہاں وہ اور ترک صدر ترکیہ-ویٹیکن تعلقات اور دیگر اہم علاقائی و عالمی مسائل بشمول فلسطین کی صورتحال پر بات چیت کریں گے
پوپ لیوXIV اپنے پہلے غیر ملکی دورے پر ترکیہ پہنچ گئے
ویٹیکن
27 نومبر 2025

پاپائے روم  لیو   صدر رجب طیب ایردوان کی دعوت پر اپنے پہلے سرکاری بیرون ملک دورے پر  انقرہ پہنچے۔

پوپ کا استقبال دارالحکومت انقرہ کے ہوائی اڈے پر وزیر ثقافت و سیاحت محمد نوری ارسوی اور دیگر حکام نے کیا۔

پوپ کے ساتھ ویٹیکن کے عہدیدار بھی ہیں، جن میں کارڈینل پیئیترو پارولن اور آرچ بشپ پال رچرڈ گیلاگر شامل ہیں۔

انہوں نے کہا کہ وہ اس سفر پر بہت خوش ہیں، وہ اس سفر کا بے صبری سے انتظار کر رہے تھے کیونکہ یہ تمام مسیحیوں اور وسیع دنیا کے لیے اہمیت رکھتا ہے۔

ترکیہ اور لبنان میں اپنی آئندہ مصروفیات کا حوالہ دیتے ہوئے پوپ نے دنیا کے ہر فرد کے لیے امن کی اہمیت پر زور دینے کا ارادہ دہرایا۔

انہوں نے تمام لوگوں سے امن کے لیے متحد ہونے کی بھی اپیل کی، اور کہا کہ مذہب اور عقائد میں فرق کے باوجود، انسانیت بنیادی طور پر جڑی ہوئی ہے، اور وہ امن اور عالمی اتحاد کے فروغ کی کوششوں میں حصہ ڈالنے کی امید رکھتے ہیں۔

دورے کا آغاز ترک جمہوریہ کے بانی اتاترک  کے مزار پر باوقار خراج عقیدت سے ہوا۔

  بعد ازاں ،پوپ کو صدارتی کمپلیکس میں باضابطہ طور پر خوش آمدید کہا جائے گا، جہاں وہ اور ترک صدر ترکیہ-ویٹیکن تعلقات اور دیگر اہم علاقائی و عالمی مسائل بشمول فلسطین کی صورتحال پر بات چیت کریں گے۔

دونوں کی توقع ہے کہ وہ انقرہ میں واقع ترک صدارتی قومی کتب خانے کے جہاں نما ہال میں ایک نیوز کانفرنس کریں گے جو دنیا کی تیسری سب سے بڑی لائبریری ہے۔

جمعہ کو، پوپ استنبول کے سینٹ ایسپریٹ کیتھیڈرل میں عیسائی علما سے ملاقات کریں گے، فرانسیسی پور ہاؤس نرسنگ ہوم کا دورہ کریں گے اور ہیلی کاپٹر کے ذریعے ازنک جائیں گے جہاں مذہبی عبادت ہوگی۔

ہفتہ کو پوپ سلطان احمد مسجد اور مور ایفریم سریانی آرتھوڈوکس چرچ کا دورہ کریں گے، جہاں وہ فینر یونانی پیٹریارک بارتھولومیوس سے ملاقات کریں گے

۔ دن کا اختتام وولکس ویگن ایرینا میں ایک تقریب کے ساتھ ہوگا۔

یہ دورہ آرمینیائی اپوسٹولک کیتھیڈرل میں آخری عبادت کے ساتھ اختتام پذیر ہوگا اور فینر یونانی پیٹریارکیٹ میں اس کی بنیاد کی سالگرہ کی یاد میں واپسی کے ساتھ ہوگا۔

 

دریافت کیجیے
ہانگ کانگ میں ایک ہاؤسنگ سوسائٹی میں آگ
ترکیہ پاکستان میں تیل اور گیس کی تلاش کرے گا:الپ ارسلان بائراکتر
اسرائیل کے مغربی کنارے پر چھاپے،بھاری اسلحےکا استعمال
اپنے ایلچی کو ماسکو بھیج رہا ہوں:ٹرمپ
تھائی لینڈ اور انڈونیشیا میں سیلاب اور لرزشِ اراضی سے درجنوں افراد ہلاک
برازیل کے سابق صدر بولسونارو کو 27 سال کی سزا سنا دی گئی
ترک صدر کی خواتین کے خلاف اسرائیل کی وحشیانہ کارروائیوں کے خلاف کمزور رد عمل پر کڑی تنقید
ایتھوپیا میں 12 ہزار سال بعد آتش فشاں کا زور دار دھماکہ
ٹرمپ نےجماعت اخوان المسلمین کی بعض شاخوں کے خلاف نگرانی کا حکم دے دیا
سوڈان کی ریپڈ سپورٹ فورسز کا یکطرفہ طور پر سہ ماہی انسانی بنیادوں پر جنگ بندی کا اعلان
غزہ میں1 لاکھ سے زیادہ فلسطینی ہلاک ہو ئے ہیں:ایک رپورٹ
ترک صدر: "متحد اور مستقل عالمی ردعمل نیتن یاہو کو روک سکتا ہے"
ترکیہ اگلے سال COP31 کی میزبانی کرتے ہوئے عالمی موسمیات کے موضوع پر اپنی پوزیشن مضبوط کرے گا
بھارت کی نابینا کرکٹ ٹیم نے ٹی-20 کپ جیت لیا
ترکیہ نے جی 20 میں عالمی استحکام کے لیے مضبوط عزم کا مظاہرہ کیا ہے: دُران