امریکی صدر ڈونلڈ ٹرمپ اور صدر رجب طیب ایردوان نے جمعرات کو وائٹ ہاؤس میں ملاقات کے دوران دفاع اور تجارت میں تعاون کو مزید گہرا کرنے کا عہد کیا۔

ٹرمپ نے کہا کہ انہوں نے اور ایردوان نے اقتصادی تعاون کے ساتھ ساتھ ترکیہ کے F-16 اور F-35 پروگراموں سمیت امریکی ساختہ جنگی طیاروں کی خریداری پر تبادلہ خیال کیا ہے۔

ٹرمپ نے صحافیوں کو بتایا، "ہم دونوں ممالک کے لیے زبردست تجارتی معاہدے کریں گے،" انہوں نے مزید کہا کہ روسی میزائل سسٹم کی خریداری پر انقرہ پر عائد پابندیاں "فوری طور پر" ہٹائی جا سکتی ہیں۔

صدر ایردوان نے بھی اس موقع پر کہا کہ مذاکرات میں دفاعی مصنوعات کی فروخت سمیت مختلف موضوعات کا احاطہ کیا جائے گا۔

ایردوان نے کہا، "ہم ترکیہ اور امریکہ کے تعلقات میں ایک مختلف دور کا سامنا کر رہے ہیں،" انہوں نے مزید کہا، "مجھے یقین ہے کہ ہم  ساتھ مل کر خطے میں ان چیلنجوں پر قابو پا لیں گے۔"

ٹرمپ نے اپنے ہم منصب کو "انتہائی قابل احترام شخص" قرار دیتے ہوئے کہا کہ ایردوان کی "اپنے ملک، پورے یورپ اور دنیا بھر میں بڑی پذیرائی کی جاتی ہے۔"

انہوں نے کہا کہ  نیٹو اتحادیوں کے درمیان دفاعی خریداری، علاقائی تنازعات اور مالیاتی پابندیوں جیسے مسائل پر دیرینہ اختلافات کے باوجود، یہ بات قابل ذکر ہے کہ اس ملاقات کے دوران دونوں رہنماؤں نے مفاہمتی موقف کا مظاہرہ کیا  اور باہمی  تعاون پر زور دیا ہے۔