میڈرڈ اور بوردو کے نزدیک بے مثال جنگلاتی آگ بھڑک اٹھی ہے جس کے بعد فرانس اور اسپین میں دو لاکھ سے زائد افراد کو محفوظ مقامات کو منتقل کر دیا گیا ہے۔بوردو ایک فرانسیسی شہر ہے جو سیاحتی مقامات اور دنیا بھر میں انگور کے باغات کی وجہ سے شہرت یافتہ ہے۔
فرانسیسی صدر ایمانوئل میکرون نے جمعہ کو یورپی یونین سے مدد طلب کرنے کے بعد فوج کو متحرک کرنے کی درخواست کی تاکہ ملک کی تاریخ کی بدترین جنگلاتی آگ پر قابو پایا جا سکے، جبکہ ایک مقامی اہلکار نے خبردار کیا کہ شعلے بوردو کی جانب بڑھ رہے ہیں۔
تقریباً 44,000 افراد اٹلانٹک ساحل پر بورڈو کے جنوبی حصے میں واقع امیر Cap Ferret جزیرہ نما سے فرار ہو گئے، جہاں واحد سڑک شعلوں کے خطرے میں تھی۔
کشتیوں نے سینکڑوں لوگوں کو آگ سے دور منتقل کیا، جبکہ دیگر نے گاڑیوں کے ذریعے جزیرہ نما چھوڑ دی۔ یہ علاقہ کروڑ پتی رہائش گاہوں کے لیے جانا جاتا ہے۔ وہاں پچاس سے زیادہ گھر تباہ ہو چکے ہیں۔
فرانسیسی اور ہسپانوی حکام کے مطابق جنوبی مغربی فرانس میں کم از کم 141,000 افراد اور میڈرڈ کے خطے میں 25,000 افراد کو نکالا گیا، جن میں 1,200 سے زیادہ بزرگ اور معذور افراد شامل ہیں۔
میڈرڈ اور پیرس نے یورپی یونین سے امداد طلب کی ہے، کیونکہ تیز ہواؤں اور خشک سالی نے خشک جنگلات میں لگی آگ کو بھڑکا دیا تھا۔
فرانسیسی وزیرِ داخلہ لارینٹ نونیز نے کہا کہ فرانس نے اس پیمانے کی آگ پہلے کبھی نہیں دیکھی اور بورڈو کی حفاظت کے لیے ہر ممکن اقدام کرنے کا عہد کیا۔
میڈرڈ کی آگ ' عروج پر'
میڈرڈ علاقائی حکومت کے ایمرجنسی مینجمنٹ چیف کارلوس نوویلو نے کہا کہ دارالحکومت کے نزدیک یہ جنگلاتی آگ اپنے عروج پر ہے اور اس وقت فائر فائٹرز کی قابو پانے کی صلاحیت سے باہر ہے۔
ہسپانوی وزیرِ اعظم پیدرو سانچیز ہفتے کو متاثرہ علاقے کو جاتے ہوئے وہاں کے ایمرجنسی کوآرڈینیشن سینٹر کا دورہ کریں گے۔
ان کے فرانسیسی ہم منصب سباسٹین لیکورنُو نے جمعہ دیر رات اہم وزراء کا ہنگامی اجلاس اجلاس طلب کرتے ہوئے کہا کہ آگ سے نبرد آزما ہونے کے لیے کل 1,000 فوجی تعینات کیے جائیں گے۔ آتشزدگی نے ابتک 22,000 ہیکٹر رقبہ راکھ بنا دیا ہے۔
علاوہ ازیں انہوں نے ایکس (X) پر کہا کہ 1.5 ملین FFP2 ماسک آج رات سے گیرونڈ میں بھیجے جائیں گے تاکہ ملوث عملے اور دھوئیں کے زیرِاثر آبادیوں کو محفوظ رکھا جا سکے۔
حکام کے مطابق Cap Ferret کی آگ سے نمٹنے والے 1,000 میں سے تقریباً 40 فائر فائٹرز زخمی ہو چکے ہیں۔ اس ہفتے فرانس اور اٹلی میں جنگلاتی آگوں میں تین فائر فائٹرز ہلاک ہو چکے ہیں۔
حکام نے کہا کہ میڈرڈ کے مغرب میں تین بڑے جنگلاتی آگوں میں سے دو ایک دوسرے میں مل گئی ہیں، جس سے ایک مضافاتی قصبے کو خطرہ لاحق ہے۔
کچھ یورپی علاقوں نے مئی سے کم ازکم دو ہیٹ ویوز کا سامنا کیا ہے، اور انسانی پیدا کردہ موسمیاتی تبدیلی کی وجہ سے خشک سالی نے اس سال جنگلاتی آگ کے خطرے کو بڑھا دیا ہے، ورلڈ ویدر اٹریبیوشن گروپ نے اس ہفتے شائع ایک مطالعے میں کہا۔
جن سیاحوں اور رہائشیوں کو معلوم نہیں تھا کہ وہ واپس کیا پائیں گے، ان کے لیے جنوبی مغربی فرانس میں اسکولوں اور جمناسیموں میں ہنگامی پناہ گاہیں قائم کی گئیں۔
یورپی یونین کی امداد
فرانس بھر سے فائربریگیڈ کی امدادی ٹیمیں بھیجی گئی ہیں اور امداد کی اپیلوں کے بعد، یورپی کمیشن نے کہا کہ وہ اسپین کو چار اور فرانس کو تین پانی بمبار طیارے بھیج رہا ہے۔
میڈرڈ کے اطراف میں لگی آگ خطے کی تاریخ کی بدترین آگ ہے۔
میڈرڈ کے مغرب میں دو آگیں مل کر نواس ڈیل رے نامی قصبے کی جانب بڑھ رہی تھیں، جو دارالحکومت سے تقریباً 50 کلومیٹر دور ہے۔
حکام نے کہا کہ نئی آگ پڑوسی کاسٹیلا لیون خطے میں ایک اور جنگلاتی آگ کے ساتھ ملنے کے قریب تھی۔
حالیہ ہفتوں میں اسپین متعدد جنگلاتی آگوں سے متاثر رہا ہے۔
اٹلی بھی اس ہفتے جنگلاتی آگوں سے نبردآزما رہا ہے، حالیہ دنوں میں سیسیلی جزیرے پر درجنوں شعلے بھڑکے۔ فائر فائٹرز میں سے ایک سیسلی میں ہلاک ہوا۔ دو دیگر بورڈو ائیرپورٹ کے قریب آگ بجھاتے ہوئے ہلاک ہو گئے۔
