این بی اے  یورپ اور مڈل ایسٹ کے مینجنگ ڈائریکٹر جارج ایوازاولو کا کہنا ہے کہ نئی یورپی باسکٹ بال لیگ میں ترکیہ سمیت دیگر ممالک کے سرمایہ کاروں کی جانب سے بے مثال دلچسپی دیکھنے میں آ رہی ہے۔

ایواز اولو نے اناطولیہ  نیوز ایجنسی کو بتایا کہ موصول ہونے والی پیشکشوں کے جائزے میں مالیات صرف ایک حصہ ہیں۔

 انہوں نے مزید کہا کہ این بی اے اور فیبا (NBA–FIBA) کا یہ مشترکہ پراجیکٹ ایسے شراکت داروں کی تلاش میں ہے جو یکساں وژن رکھتے ہوں، عالمی معیار کے کلبوں یا کاروبار چلانے کا بہترین تجربہ رکھتے ہوں، اور اگلے 100 سالوں کے لیے اس لیگ کی تعمیر کا طویل مدتی عزم رکھتے ہوں۔

انہوں نے کہا کہ استنبول ایک عالمی معیار کا شہر ہے جو کھیلوں کا دیوانہ ہے، ثقافتی طور پر بااثر ہے، اور یورپ کے سب سے بڑے اور پرجوش پرستاروں میں سے ایک کا گھر ہے۔

 اگر یورپی باسکٹ بال میں کوئی بڑی تبدیلی آنی ہے، تو ہمارا ماننا ہے کہ ترکیہ کو ان ممالک میں شامل ہونا چاہیے جو اس مستقبل کو تشکیل دے رہے ہیں۔"

جب ان سے پوچھا گیا کہ کیا اکتوبر 2027 میں شروع ہونے والی 'این بی اے یورپ (NBA Europe) اب بھی اپنے طے شدہ منصوبے پر گامزن ہے اور کیا یہ اگلے 16 مہینوں میں شروع ہو جائے گی تو انہوں نے کہا کہ وہ اس سمت میں نمایاں پیش رفت کر رہے ہیں۔

انہوں نے کہاکہ ہم جانتے ہیں کہ یہ ایک بڑا اور پرعزم ہدف ہے، لیکن لندن، میڈرڈ اور نیویارک میں میرے ساتھی، فیبا سے ہمارے شراکت داروں کے ساتھ مل کر، اس ٹائم لائن کو حقیقت بنانے کے لیے مختلف کاموں پر تیزی سے آگے بڑھ رہے ہیں۔ اور اس لیگ کا حصہ بننے کے خواہشمند کلبوں، مالکان کے گروپس اور پارٹنرز کی طرف سے زبردست ردعمل ملا ہے۔"

ان کا کہنا تھا کہ یہ پراجیکٹ ایک حقیقی یورپی لیگ ہوگا، جسے یورپی باشندے خود بنائیں گے، جو یورپی شائقین کے لیے ڈیزائن کیا جائے گا، اور یہ یورپ کے اسپورٹنگ ماڈل کے عین مطابق ہوگا جو ہر کلب کو اعلیٰ ترین سطح کے کل یورپی (pan-European) مقابلوں تک پہنچنے کا راستہ فراہم کرتا ہے۔

انہوں نے کہا کہ "کوالیفائی کرنے کا یہ موقع کسی بھی کلب کے لیے اپنی کامیابی کی داستان خود لکھنے اور براعظم بھر کے مزید شائقین تک عالمی معیار کی باسکٹ بال پہنچانے کا راستہ کھولے گا۔"