مقامی میڈیا نے جمعہ کو اطلاع دی ہے کہ مشرقی جاپان میں موسلا دھار بارشیں کہ  جن کے نتیجے میں شدید سیلاب، زمین کے تودے گرنے اور آمد و رفت میں وسیع پیمانے پر خلل پیدا ہوا، کم از کم چھ افراد ہلاک ہوگئے۔

کیوڈو نیوز کے مطابق، ٹوکیو کے قریب چیبا صوبي کے ایک تہائی سے زائد بلدیات کے لیے جاپان کے موسمیاتی ادارے نے بلند ترین درجے  5  کے ساتھ موسلا دھار بارشوں کا انتباہ دیا اور حکام نے رہائشیوں  سے  اپنی حفاظت کے لیے فوری اقدامات کرنے کی اپیل کی ۔

چیبا بھر میں سڑکوں پر پانی کھڑا ہونے کی  رپورٹیں موصول ہوئیں جس کی وجہ سے گاڑیاں پھنس گئیں اور ٹریفک جام ہوا، جبکہ کئی بلدیات کو  لرزشِ اراضی  کا انتباہ دیا گیا۔

فائر اینڈ ڈیزاسٹر مینجمنٹ ایجنسی کے مطابق، پر چیبا اور ایباراصوبوں میں 400,000 سے زائد افراد کے لیے انخلا کے احکامات جاری کیے گئے۔ جمعہ کی صبح تک چیبا میں تقریباً 102,600 افراد اب بھی انخلا کے احکامات کے تحت تھے۔

حکام نے چیبا میں چھ ہلاکتوں کی تصدیق کی، جن میں وہ افراد شامل ہیں جو سیلابی ریلے کی زد میں آگئے۔

ٹرین اور بس سروسز متاثر ہونے کے بعد تقریباً 7,000 افراد ناریٹا ایئرپورٹ پر رات گزارنے پر مجبور ہوئے۔

چیبا کے چُو او وارڈ میں جمعرات کی رات ایک گھنٹے میں 115 ملی میٹر بارش ریکارڈ ہوئی، جو کہ  خطے میں تقریباً  پورے اگست کی اوسط بارش کے برابر ہے۔