نائیجیریا میں مسلح افراد نے صوبہ نائیجر  کے ایک کیتھولک اسکول کے 52 طالب علموں کو اغوا کر لیا ہے۔

 مقامی ٹی وی چینل Arise News کے مطابق  مسلح افراد نے آج بروز  جمعہ صوبہ نائیجر کے ایک اسکول سے 52 طالبعلم اغوا کر لئے ہیں۔

نائیجر صوبائی حکومت نے جاری کردہ  بیان میں اغوا کی تصدیق کی اور کہا ہے کہ مغوی طلبہ کی تعداد کی جانچ ابھی جاری ہے۔

صوبائی حکومت  نے کہا ہے کہ حکومت کو سینٹ میریز اسکول کے طلبہ کے اغوا کی پریشان کن خبر پر سخت افسوس ہے۔ سکیورٹی ادارے طلبہ کی تلاش کر رہے ہیں۔

نائیجیریا میں مسلح افراد کے حملوں میں اضافہ دیکھنے میں آ رہا ہے۔ سوموار کے روز بھی صوبہ  کیبی  کے ایک بورڈنگ اسکول سے 25 طالبات کو اغوا کر لیا گیا تھا۔

نائیجر صوبائی محکمہ  پولیس نے جاری کردہ بیان میں کہا ہے کہ ٹیکٹیکل پولیس یونٹوں اور فوج نے طلبہ کی تلاش شروع کر دی ہے۔

منگل کے روز ملک کے مغرب میں واقع ایک چرچ پر حملے میں بھی  مسلح افراد نے عبادت میں مصروف  دو افراد کو ہلاک کر دیا تھا۔حملے وقت چرچ کی عبادت  آن لائن نشر  ہو رہی تھی۔

ایک چرچ اہلکار نے جمعہ کو رائٹرز کو بتایا  ہےکہ مسلح افراد نے  38 عبادت گزاروں کو اغوا کر لیا تھا اور ہر مغوی کے بدلے 100 ملین نائیرا (تقریباً $69,000) تاوان کا مطالبہ کر رہے ہیں۔

یہ حملے  مغربی افریقہ کے  ملک 'نائیجیریا' میں سکیورٹی مسائل کو دوبارہ ایجنڈے پر لے آئے ہیں۔ حملوں کے بعد صدر بولا ٹینوبو کو  نے اپنے غیر ملکی دورے منسوخ کر دیئے ہیں۔