مصر کی ا یجنسی برائے انسداد آفات کے مطابق، مصر کے شمال مشرقی صوبے اسماعیلیہ میں 5.3 شدت کا زلزلہ آیا ہے۔

ایجنسی نے بتایا کہ یہ زلزلہ آج  مقامی وقت کے مطابق صبح 03:00 بجے  آیا، جس کی گہرائی 5.47 کلومیٹر ریکارڈ کی گئی۔

مصری مقامی میڈیا کے مطابق، زلزلے کے جھٹکے دارالحکومت قاہرہ سمیت کئی شہروں میں محسوس کیے گئے، تاہم اب تک کسی جانی نقصان یا تباہی کی اطلاع نہیں ملی ہے۔

مصری ہلالِ احمر  نے اعلان کیا ہے کہ انہیں اب تک کسی کے زخمی ہونے یا مادی نقصان کی کوئی اطلاع موصول نہیں ہوئی ہے تاہم، انہوں نے عوام سے اپیل کی ہے کہ وہ پرانی یا واضح دراڑیں رکھنے والی عمارتوں سے دور رہیں۔

مصر کی وزارتِ صحت نے ہنگامی امداد کا پلان فعال کر دیا ہے اور ہسپتالوں کو ہائی الرٹ پر رکھ دیا ہے۔

ایک سرکاری بیان کے مطابق، مصر نے زلزلے کے مرکز  سے متعلق معلومات کو اپ ڈیٹ کرتے ہوئے بتایا ہے کہ یہ زلزلہ شہر سوئز  سے 38 کلومیٹر دور ریکارڈ کیا گیا ہے۔

خطے میں اینڈرائیڈ  صارفین کو ایک الرٹ موصول ہوا جس میں بتایا گیا کہ مصر میں 5.9 شدت کا زلزلہ آیا ہے۔

ماہرینِ زلزلہ دانی  مزید ڈیٹا کا تجزیہ کر رہے ہیں، جبکہ یو ایس جی ایس  کے سائنسدان نئی معلومات موصول ہونے پر زلزلے کی شدت کے نقشے کو اپ ڈیٹ کر سکتے ہیں۔