امریکی صدر ڈونلڈ ٹرمپ نے کہا ہے کہ برطانوی وزیر اعظم کیئر اسٹارمر اپنے عہدے سے استعفیٰ دے دیں گے۔

 انہوں نے امیگریشن اور توانائی کی پالیسیوں میں ناکامی کا حوالہ دیا ہے۔ یہ بات ایسے وقت میں سامنے آئی ہے جب یہ افواہیں عام ہیں کہ برطانوی رہنما پیر کے روز ہی اپنے جانے کا وقت طے کر سکتے ہیں۔

ٹرمپ نے اپنے سوشل میڈیا پلیٹ فارم 'ٹروتھ سوشل' (Truth Social) پر لکھا: 'کیئر اسٹارمر برطانیہ کے وزیر اعظم کے عہدے سے استعفیٰ دے دیں گے۔'

انہوں نے مزید لکھا: 'وہ دو بہت اہم موضوعات امیگریشن اور توانائی پر بری طرح ناکام رہے ہیں میں ان کے لیے نیک خواہشات کا اظہار کرتا ہوں!'

اس سے پہلے اتوار کو بی بی سی نے رپورٹ کیا تھا کہ حکومت کے اندر ماحول بدلنے کے ساتھ ہی اسٹارمر پیر کے روز ہی دستبردار ہونے کا ٹائم ٹیبل پیش کر سکتے ہیں۔

رپورٹ کے مطابق حکومت کے کئی اندرونی ذرائع کا اب یہ ماننا ہے کہ برطانوی وزیر اعظم پیر کے روز ہی استعفیٰ کے ٹائم ٹیبل کا اعلان کر سکتے ہیں۔