آسٹریلیئن تسمانیہ  پولیس نے اتوار کو کہا کہ وہ ایک بیلجین خاتون کی نجی طور پر منظم تلاش میں شامل ہوں گے جو دو سال سے زیادہ عرصہ پہلے جنگل میں لاپتہ ہو گئی تھی، جبکہ اس کا موبائل فون جنوبی جزیرہ نما ریاست میں دریافت ہوا تھا۔

سیلین کریمر کے دوستوں اور اہل خانہ  نے اس ہفتے کے آخر میں فلاسفر فالز کے قریب جھاڑیوں میں تلاش کا انتظام کیا، جہاں وہ جون 2023 میں لاپتہ ہو گئی تھیں۔

چند دن بعد پولیس نے اس کی گاڑی قریب ہی پائی لیکن متعدد تلاشوں میں اس کا کوئی سراغ نہیں ملا۔

، تسمانیہ پولیس نے ایک بیان میں کہا کہ ہفتہ کے روز، ایک ایسے علاقے میں جہاں پہلے حکام نے تلاشی لی تھی، تلاش کرنے والی پارٹی نے ایک موبائل فون پایا جس کی تصدیق ہو چکی ہے کہ وہ کریمر کا ہے اور اب مزید فرانزک معائنہ سے گزرے گااور مزید کہا کہ وہ باضابطہ طور پر آزادانہ تلاش کی کوشش میں شامل ہو رہی ہے۔

انسپکٹر اینڈریو ہینسن نے کہا، "فون ڈیٹا، اور یہ جگہ جہاں اسے ملا، ہمارے نظریے کی تائید کرتی ہے کہ سیلین نے اپنے فون پر ایک ایپ استعمال کرتے ہوئے فلاسفر فالز ٹریک چھوڑ کر دن کی روشنی  مدھم ہونے پر اپنی گاڑی تک زیادہ براہ راست راستہ اختیار کیا ہے ۔

آسٹریلین براڈکاسٹنگ کارپوریشن نے کہا کہ کریمر کے چار دوست بیلجیم سے اس نئی تلاش میں شامل ہونے کے لیے آئے تھے، جو ہفتہ کو شروع ہوئی اور توقع تھی کہ پانچ دن تک جاری رہے گی۔

کریمر کو آخری بار 17 جون 2023 کو دیکھا گیا اور اس کے دوستوں نے نو دن بعد اس کی گمشدگی کی اطلاع دی۔