اٹلی میں گرمی کی شدید لہر کے پیش نظر سرخ الارم جاری کرد یا گیا ہے۔

اِٹلی وزارتِ صحت نے کہا ہے کہ ہفتے کے آخر میں افریقہ سے آنے والی گرمی کی لہر کئی شہروں کو متاثر کر سکتی ہے  لہٰذا  بولوگنا، بولزانو، بریسیا، فلورنس، میلان، پیروجیا، رییتی اور ٹورینو سمیت آٹھ شہروں کے لیے بلند ترین درجے کا 'سرخ الارم' جاری کر دیا گیا ہے۔

دارالحکومت روم میں کل کے دن کے لیے دوسرے بلند ترین درجے کا 'نارنجی' الارم جاری کیا گیا ہے۔

وزارتِ نے اپنی ویب سائٹ پر جاری کردہ بیان میں عوام سے سورج سے بچنے اور احتیاطی تدابیر اختیار کرنے کی اپیل کی ہے ۔ بیان میں کہا گیا ہے کہ  گرمی سے بچاؤ کے لیے صبح 11:00 تا شام 18:00 کے دوران اشد ضرورت نہ ہونے کی صورت میں باہر نکلنے سے پرہیز کیا جائے۔

اس دوران ملک کے شمالی حصّے  میں بھی شدید گرمی پڑ رہی ہے اور کل کے لیے 'سرخ الارم ' والے شہروں میں شامل شہر 'میلان' میں کے مرکز میں واقع  ڈومو کیتھیڈرل کے سامنے پھرتے  سیاحوں کو سورج سے بچنے کے لیے چھتریاں اور چھوٹے دستی پنکھے ساتھ لے کر چلتے اور ٹھنڈک کے لیے فواروں کے سامنے قطار میں کھڑے ہوتے دیکھا گیا ہے۔