جنوب مشرقی آسٹریلیا میں سرعت سے پھیلنے والی جنگلات کی آگ انخلاء پر مجبور  کر رہی  ہے اور ہزاروں ایکڑ اراضی جل رہی ہے۔

فائر فائٹرز منگل کے روز جنوب مشرقی آسٹریلیا میں تیزی سے  پھیلنے والی  آگ  کی آفت کو روکنے کی بھر پور  کوشش کر رہے تھے،  نیشنل پارک کا ہزاروں ایکڑ رقبہ جل   چکا ہے  اور ایک کاشتکار برادری کو نقل مکانی پر مجبور ہونا پڑا ہے۔

پیر کی شام کو آسمانی بجلی گرنے سے وکٹوریہ کے ریاستی دارالحکومت میلبورن سے تقریباً 300 کلومیٹر مغرب میں واقع ایک جنگلاتی پہاڑی سلسلے گرمپیئنز نیشنل پارک میں  مختلف مقامات پر آگ لگ گئی۔

ایمرجنسی سروسز نے بتایا  ہے کہ ریاست کے مغرب میں واقع لٹل ڈیزرٹ نیشنل پارک میں ایک الگ تیز رفتار آگ نے 24 گھنٹوں سے بھی کم وقت میں تقریباً 65,000 ہیکٹر (160,000 ایکڑ)  رقبے کو اپنی لپیٹ میں لے لیا ، اور ہ تقریباً سنگاپور جتنا بڑا علاقہ جل کر بھسم ہو گیا ہے۔

منگل کی سہ پہر خطرے کی سطح کو کم کرنے سے پہلے اس آگ نے دیہی ڈمبولا  سے انخلا کے عمل پر  مجبور کردیا تھا۔

ایمرجنسی منیجمنٹ کمشنر ریک نوجینٹ نے صحافیوں کو بتایا کہ "میں بے حد  شکر گزار ہوں کہ کوئی جان نہیں گئی اور نہ ہی ہمیں کسی قسم کے زخمی ہونے کی اطلاع ہے۔"

فاریسٹ فائر مینجمنٹ وکٹوریہ کے اہلکار کرس ہارڈمین نے خبردار کیا کہ اگلے چند دنوں میں موسمی حالات آگ کے پھیلنے کے امکانات کو بڑھا رہے ہیں۔ 

انہوں نے کہا، "ابھی فائر فائٹرز  علاقے کے مکینون کے تحفظ کے لیے ہر ممکنہ تدابیر اختیار  کرنے کی منصوبہ بندی کر رہے ہیں۔"

وکٹوریہ کی فضاوں میں  شدید گرمی کا گنبد 

محکمہ موسمیات کے ماہرین میں سے  کیون پارکن نے کہا کہ شدید  گرمی کی لہر  ہفتے کے روز وکٹوریہ کے کچھ حصوں کو  اپنے زیر اثر لے لی  گی ، جس سے آگ کے خطرات بڑھ جائیں گے۔ 

"جب ہم اگلے سات سے 10 دنوں کا تخمینہ لگاتے ہیں  تو اہم پیغام یہ ہے کہ وکٹوریہ پر شدید گرمی کا  گنبد ہوگا۔

 " جب ہم ہفتے کے آخر  تک  پہنچیں گے  تو تعجب نہ کریں  کیونکہ  ریاست بھر میں ہیٹ ویو کے حالات پیدا ہونے کی پشین گوئی ہے  اور اگلے ہفتے تک اس میں شدت آتی جائیگی۔

"زمینیں  خشک  پڑی ہیں  اور اگر یہ گرمی کی شدت جاری رہی  تو یہ  سطح زمین کو مزید خشک کر دے گی۔" 

محققین  کاکہنا ہے گرم موسم  آسٹریلیا میں تیزی سے شدید قدرتی آفات  کا موجب  بن رہا ہے ۔

 سائنسدانوں نےاس بات کا تعین کیا ہے کہپ  1950 کی دہائی کے بعد سے ملک بھر میں  وسیع پیمانے کی  آگ لگنے کے واقعات میں نمایاں  حد تک اضافہ ہوا ہے۔

 2019-2020 کی بے مثال "بلیک سمر" جنگلات کی آگ  33 افراد اور لاکھوں جانوروں کے تلف ہونے کا موجب بنی تھی ،  اس نے  جنگل کے وسیع رقبے کو اجاڑ دیا اور بڑے شہروں کو گھنے دھوئیں میں ڈھانپ دیا تھا۔