یوکرین کے دارالحکومت کیف میں صدر ولادیمیر زیلنسکی کی جانب سے بدعنوانی کے خلاف دوایجنسیوں کو کمزور کرنے والے قانون پر دستخط کیے جانے کے بعد ہنگامہ آرائی شروع ہو گئی ہے

ناقدین کا کہنا ہے کہ اس قانون سازی سے زیلنسکی کے ہاتھوں میں طاقت مضبوط ہو جائے گی اور اس سے بدعنوانی کے ہائی پروفائل مقدمات میں حکومت کی مداخلت ممکن ہو سکے گی

اس بل پر دستخط کرنے سے پہلے، پارلیمان نے بل کی منظوری دے دی، جس سے نیشنل اینٹی کرپشن بیورو (این اے بی یو) اور اسپیشلائزڈ اینٹی کرپشن پراسیکیوٹر آفس (ایس اے پی او) دونوں کی خود مختاری ختم ہو گئی۔

دارالحکومت میں مظاہرین نے اس اقدام پر برہمی کا اظہار کیا۔ کچھ لوگوں نے 'قانون کو ویٹو' کرنے کے نعرے لگائے۔

26 سالہ گیم ڈیزائنر اناستاسیا کا کہنا ہے کہ بل جلد بازی میں منظور کیا جا رہا ہے۔

انہوں نے مزید کہا، "یہ واضح ہے کہ یہ ایک  جانتی بوجھتی کوشش ہے۔

خبر رساں ادارے اے ایف پی کے نامہ نگار کے مطابق زیلنسکی کی جانب سے بل پر دستخط کے بعد مظاہرین نے شدید برہمی کا اظہار کیا۔

بل پر دستخط ہونے سے قبل یورپی یونین کی توسیع کمشنر مارٹا کوس نے راڈا میں ووٹنگ پر تشویش کا اظہار کیا  ہے ۔

کوس نے مزید کہا کہ این اے بی یو اور ایس اے پی او جیسے آزاد ادارے یوکرین کے یورپی یونین کے راستے کے لئے ضروری ہیں. قانون کی حکمرانی یورپی یونین میں شمولیت کے مذاکرات کے مرکز میں ہے۔

ٹرانسپیرنسی انٹرنیشنل کی یوکرینی شاخ نے پارلیمان کے فیصلے کو تنقید کا نشانہ بناتے ہوئے کہا ہے کہ یہ 2014 میں یوکرین کے پروقار انقلاب کے بعد سے سب سے اہم اصلاحات میں سے ایک کو کمزور کرتا ہے اور بین الاقوامی شراکت دار کے ساتھ اعتماد کو نقصان پہنچاتا ہے