یوگنڈا کے صدارتی انتخابات میں آج بھی ووٹوں کی گنتی جاری رہی ۔

اپوزیشن لیڈر بوبی وائن نے جمعرات کو کہا کہ وہ اپنے گھر سے باہر نہیں جا سکتے اور دیہی علاقوں میں ان کے پولنگ ایجنٹس کو ووٹنگ شروع ہونے سے پہلے اغوا کر لیا گیا۔

وائن صدر یووری موسوینی کی چار دہائیوں پر محیط حکمرانی کا خاتمہ کرنے کی امید رکھتے ہیں۔

موسیقار سے سیاستدان بننے والے وائن نے جمعرات کو ایکس پر لکھا کہ مغربی علاقے کے ایک سینئر پارٹی عہدیدار کو گرفتار کر لیا گیا ہے اور مزید کہا کہ ہر جگہ بڑے پیمانے پر بیلٹ بھرائی ہوئی ہے۔

دیہی یوگنڈا یعنی ملک کے مغربی حصے حکمران جماعتوں کا گڑھ ہے جہاں ووٹوں کی گنتی کے دوران پولنگ ایجنٹس موجود نہ ہونے کی وجہ سے اپوزیشن کو نقصان پہنچے گا۔

اپنی جیت کے امکانات بڑھانے کے لیے وائن نے اپنے حامیوں سے کہا ہے کہ وہ ووٹ کی حفاظت کریں، گواہوں سے پولنگ اسٹیشنز پر مبینہ خلاف ورزیوں کی دستاویزات درج کروائیں اور سرکاری پولنگ ایجنٹس تعینات کریں۔

وائن کو بھی پانچ سال پہلے صدر کے لیے انتخاب لڑتے وقت اسی طرح کی مشکلات کا سامنا کرنا پڑا تھا ۔

سرکاری نتائج کے مطابق، اس وقت موسوینی نے 58 فیصد ووٹ حاصل کیے جبکہ وائن کو 35 فیصد ووٹ ملے تھے جس پر وائن نے اُس وقت کہا تھا کہ انتخابات میں دھاندلی کی گئی ہے ۔