ترکیہ کی ڈرون سازکمپنی بائیکار نے ہفتہ کو جاری کردہ ویڈیو کے ساتھ اپنے نئے کامی کازی ڈرون طیارے K2 کا اعلان کیا ہے۔ ویڈیو کی پس پردہ موسیقی میں دیمتری شاستاکووِچ کا والٹ نمبر۔2 ٹریک استعمال کیا گیا ہے۔

جدید مصنوعی ذہانت کے حامل  پرواز و نشانہ بازی  نظاموں  والا K2 مصنوعی ذہانت والی بصری ادراک ٹیکنالوجی کی طفیل سمت پیمائی، ہدف کی نشاندہی اور ہدف کے تعاقب  کے مراحل  میں ڈرون ٹُکڑی فلائٹ آپریشن کر سکتا ہے۔  

K2 ڈرون طیارہ 2 ہزار کلومیٹر سے زائد رینج رکھتا ہےاور اس میں 200 کلوگرام کا وار ہیڈ نصب ہوسکتا ہے۔ طیارے کا  زیادہ سے زیادہ ٹیک آف وزن 800 کلوگرام ہے۔ متعدد مختلف فرائض  کے لیے ڈیزائن کیا گیا   K2 مختصر یا غیر تیار شدہ رن ویز سے بھی ٹیک آف کر سکتا ہے۔

ترکیہ کی معروف ڈرون ساز کمپنی ' بائیکار'   اپنے ڈرون  طیارے دنیا بھر میں برآمد کر چُکی ہے اور  اس کی موجودہ مصنوعات  میں ٹیکٹیکل 'بائراکتار ٹی بی ۔2'، بلند ارتفاع والا' بائراکتار آقنجی'، بحری صلاحیت رکھنے والا 'بائراکتار ٹی بی۔3'اور جیٹ سے چلنے والا 'بائراکتار قزل الما' شامل ہیں۔