پاکستانی حکام ہفتے کے روز قطر میں اپنے افغان ہم منصبوں کے ساتھ مذاکرات کریں گے۔
یہ ملاقات پاکستان کے اپنے پڑوسی ملک پر فضائی حملے کہ جس میں کم از کم 10 افراد ہلاک ہوئے کے ایک دن بعد سر انجام پا رہی ہے۔
پی ٹی وی کے مطابق ، "وزیر دفاع خواجہ آصف اور انٹیلیجنس چیف جنرل عاصم ملک آج افغان طالبان کے ساتھ مذاکرات کے لیے دوحہ روانہ ہوں گے۔"
افغان طالبان حکومت کے ایک عہدیدار نے بھی تصدیق کی کہ یہ مذاکرات ہوں گے۔
افغان طالبان حکومت کے ترجمان ذبیح اللہ مجاہد نے ایکس پر کہا، "اسلامی امارت کا ایک اعلیٰ سطحی وفد، جس کی قیادت وزیر دفاع محمد یعقوب کر رہے ہیں، آج دوحہ روانہ ہوا ہے۔"
48 گھنٹوں کی جنگ بندی نے تقریباً ایک ہفتے تک جاری رہنے والی خونریز سرحدی جھڑپوں کو روکا، جن میں دونوں طرف درجنوں فوجی اور شہری ہلاک ہوئے۔
لیکن جمعہ کی رات افغانستان نے پاکستان پر جنگ بندی کی خلاف ورزی کا الزام لگایا، جس کے نتیجے میں جانی نقصان ہوا۔
ایک سینئر طالبان عہدیدار نے اے ایف پی کو نام ظاہر نہ کرنے کی شرط پر بتایا، "پاکستان نے جنگ بندی توڑ تے ہوئے پکتیکا صوبے کے تین مقامات پر بمباری کی۔"
"افغانستان اس کا جواب دے گا۔"
صحیح نشانہ
صوبائی اسپتال کے ایک عہدیدار نے اے ایف پی کو نام ظاہر نہ کرنے کی شرط پر بتایا کہ ان حملوں میں 10 افراد ہلاک اور 12 زخمی ہوئے، جن میں دو بچے بھی شامل ہیں۔
افغانستان کرکٹ بورڈ نے اے ایف پی کو بتایا کہ اس علاقے میں ایک مقامی ٹورنامنٹ کے لیے موجود تین کھلاڑی ہلاک ہو گئے، جبکہ پہلے آٹھ کی اطلاع دی گئی تھی۔
انہوں نے یہ بھی کہا کہ وہ آئندہ سہ ملکی ٹی ٹوئنٹی سیریز سے دستبردار ہو رہے ہیں، جس میں پاکستان بھی شامل ہے اور جو اگلے ماہ کے لیے شیڈول تھی۔
پاکستان میں، ایک سینئر سیکیورٹی عہدیدار نے اے ایف پی کو بتایا کہ فورسز نے افغان سرحدی علاقوں میں "صحیح نشانے پر فضائی حملے" کیے، جن کا ہدف حافظ گل بہادر گروپ تھا، جو تحریک طالبان پاکستان (ٹی ٹی پی) سے منسلک ایک مقامی دھڑا ہے۔
اسلام آباد نے کہا کہ یہی گروپ شمالی وزیرستان کے ایک فوجی کیمپ پر خودکش بم دھماکے اور فائرنگ کے حملے میں ملوث تھا، جو افغانستان کی سرحد سے متصل ہے، اور جس میں سات پاکستانی فوجی ہلاک ہوئے۔
