کویتی حکام کے مطابق، کویت کے   بین الاقوامی ہوائی اڈے پر ایرانی ڈرون حملے کے بعد تمام تجارتی پروازیں معطل کر دی گئی ہیں۔

کویتی وزارتِ دفاع کے ترجمان بریگیڈیئر جنرل سعود عبدالعزیز العتیبی نے بتایا کہ متعدد مخاصمانہ ڈرونز نے کویت  بین الاقوامی  ہوائی اڈے  کو نشانہ بنایا جس سے مسافر ٹرمینل کو شدید نقصان پہنچا اور متعدد افراد زخمی ہوئے۔

 حکام نے فی الحال زخمیوں کی حالت کی شدت یا پروازوں کی بحالی کے وقت کے بارے میں مزید تفصیلات فراہم نہیں کی ہیں۔

ہوائی اڈہ  پر یہ حملہ ایران اور امریکہ کے درمیان ہونے والے فضائی حملوں کے تبادلے کے چند گھنٹے بعد ہوا ہے ۔

امریکی فوج کا کہنا ہے کہ انہوں نے گزشتہ رات گئے  تہران کی جانب سے کویت اور بحرین پر میزائل داغے جانے کے بعد ایرانی فوجی تنصیب پر حملے کیے۔

ان تازہ ترین پیش رفتوں نے خلیجی خطے میں اہم انفراسٹرکچر اور شہری ہوا بازی   کی سلامتی کے حوالے سے نئے خدشات پیدا کر دیے ہیں، جو پہلے ہی مہینوں سے جاری فوجی کشیدگی، جہاز رانی اور فضائی سفر میں خلل کی وجہ سے شدید متاثر ہے۔

 کویتی حکام کا کہنا ہے کہ سکیورٹی ادارے نقصان کا جائزہ لے رہے ہیں اور صورتحال کی باریک بینی سے نگرانی کی جا رہی ہے۔