ایران پاسدارانِ انقلاب فورس 'آئی آر جی سی' نے اردن میں امریکی اڈوں کو نشانہ بنانے کا اعلان کیا ہے۔

آج بروز جمعرات جاری کردہ بیان میں 'آئی آر جی سی' نے کہا ہے کہ "ہم نے اردن میں امریکی F-35، F-15 اور F-16 لڑاکا طیاروں والے اڈّوں پر حملے کئے ہیں  اوریہ کارروائی امریکہ کے ایران پر حملوں کے جواب میں کی گئی ہے۔

بیان میں، آئی آر جی سی نے کہاہے  کہ اس کی فضائیہ نے الازرق ایئر بیس اور امریکی فوج کی 'اہم تنصیبات'  پر 12 بیلسٹک میزائل داغے ہیں۔

بیان میں دعویٰ کیا گیا ہے کہ اس حملے نے اڈے کی تنصیبات اور وہاں تعینات ایک بڑی تعداد میں امریکی لڑاکا طیارے تباہ کر دیئے ہیں۔

آئی آر جی سی نے کہا  ہےکہ یہ حملے ، ایک تفریحی مقام، ایک صنعتی کمپلیکس، تہران کے مغرب میں واقع کرج اور نظرآباد کے جوار کے علاقوں اور پشوا کاؤنٹی میں  مقامی انقلابی گارڈ کےایک  اڈے کو نشانہ بنا کر کئے گئے، امریکی میزائل حملوں کے جواب میں کئے گئےہیں۔

بیان میں مزید کہا گیا ہے  کہ ہماری فوج کی کارروائیاں 'دشمن کی جارحیت' برقرار رہنے تک جاری رہیں گی۔

واضح رہے کہ  قبل ازیں آئی آر جی سی نے، کویت کے علی السالم اور احمد الجابر اڈوں میں 18 بڑے امریکی فوجی اہداف ، بحرین کے شیخ عیسیٰ اڈے  ، پیٹریاٹ دفاعی نظام، مواصلاتی سہولیات اور بحرین میں امریکی پانچویں بیڑے کو نشانہ بنا کر کئے گئے حملوں کا بھی، اعلان کیا تھا۔

یہ پیش رفت ، جنوبی ایران پر امریکی حملوں اور بعد ازاں پورے خطے میں امریکی فوجی اثاثوں کو نشانہ بنانے والی ایرانی کارروائیوں کے نتیجے میں پیدا ہونے والے، تناو میں  تیز رفتاراضافے  کے دوران سامنے آئی ہے۔