بھارتی ریاست مہاراشٹر میں ایک عمارت کے جزوی طور پر منہدم ہونے کے نتیجے میں ابتدائی اطلاعات کے مطابق 9 افراد ہلاک ہو گئے ہیں۔
ہندوستان ٹائمز کی رپورٹ کے مطابق حکام نے بتایا کہ ریاست کے ضلع ٹھانے میں ایک چار منزلہ عمارت کا ایک حصہ منہدم ہو گیا۔
اس واقعے میں ابتدائی تعین کے مطابق 9 لاشیں برآمد ہوئی ہیں، حکام نے کہا کہ ملبے تلے دیگر لوگوں کے دبے ہونے کا خدشہ ہے۔
حکام نے بتایا کہ اس حادثےکے حوالے سے امدادی کارروائیاں جاری ہیں۔
