شام کے جنوبی صوبے سوئیدا کے دیہی علاقے میں ہفتے کو ایک فائرنگ کے واقعے میں چار افراد ہلاک ہو گئے، جبکہ حکام نے معاملے سے متعلق ایک مشتبہ شخص کی گرفتاری کا اعلان کیا اور رہائشیوں سے ضبط اور کسی بھی قسم کی کشیدگی سے گریز کرنے کی اپیل کی۔
حسام الطحان، سوئیدا کے داخلہ سیکیورٹی کمانڈر نے شام کی وزارت داخلہ کی ٹیلیگرام پوسٹ میں کہا کہ سوئیدا کے دیہی علاقے الماطونہ میں ایک المناک واقعے میں علاقے کے پانچ رہائشیوں کے خلاف حملہ کیا گیا جس کے نتیجے میں چار ہلاک اور ایک شدید زخمی ہوا۔
انہوں نے بتایا کہ ابتدائی تفتیش اور فائرنگ میں بچ جانے والوں میں سے ایک کے تعاون کی بنیاد پر معلوم ہوا کہ ملزمان میں سے ایک اس علاقے میں داخلی سیکورٹی ڈائریکٹوریٹ کا رکن ہے۔”
الطحّان نے بتایا کہ اس فرد کو فوراً حراست میں لیتے ہوئے تفتیش کے لیے بھیج دیا گیا۔
انہوں نے زور دیا کہ شہریوں کے خلاف کسی بھی قسم کی خلاف ورزی بالکل ناقابلِ قبول ہے، اور رہائشیوں کی سکیورٹی اور حفاظت کو خطرے میں ڈالنے والے کسی بھی عمل کے لیے رواداری نہیں ہوگی۔”
شامی عہدیدار نے صوبے کے لوگوں سے اپیل کی کہ وہ پرسکون رہیں اور کیے جانے والے اقدامات پر صبر اور اعتماد دکھائیں، اور اس بات کی یقین دہانی کرائی کہ “انصاف کا تقاضا پورا کیا جائے گا تاکہ اس طرح کا المناک واقعہ دوبارہ نہ ہو اور قطعِ نظر ان کی وابستگی کےذمہ داران، قانون کے کٹہرے میں لائے جائیں۔
سوئیدا جولائی سے جنگ بندی کے طابع ہے جب دروز گروپوں اور بدو قبائل کے درمیان ہلاکت خیز جھڑپوں میں سینکڑوں افراد ہلاک اور زخمی ہوئے تھے۔
اس جنگ بندی کی خلاف ورزی بار بار الحِجری سے منسلک گروپوں کی جانب سے کی گئی، جن میں فوجی مقامات پر حملے بھی شامل ہیں، جبکہ حکومت نے معاہدے کے ساتھ اپنی وابستگی برقرار رکھی اور شہریوں کی انخلا اور انسانی امداد کے داخلے میں سہولت فراہم کی۔
