مقامی میڈیا کے مطابق، انڈونیشیا نے جمعہ کے روز ان کوہ پیماؤں کو بچانے کے لیے ایک آپریشن شروع کیا ہے جو آتش فشاں پھٹنے کے بعد وہاں پھنس گئے تھے۔

 اس واقعے میں اب تک تین افراد ہلاک ہو چکے ہیں جن میں دو غیر ملکی بھی شامل ہیں۔

خبر رساں ویب سائٹ 'ڈیٹک'کے مطابق، صوبہ شمالی مالوکو کے جزیرے ہالماہیرا پر واقع ماؤنٹ ڈوکونو  آتش فشاں اچانک پھٹ گیا۔

پولیس اہلکار ایرلچسن پاساریبو نے ویب سائٹ کو بتایا کہ تین افراد ہلاک ہوئے ہیں، جن میں سے دو غیر ملکی ہیں۔

 انہوں نے مزید کہا کہ "تقریباً 20 کوہ پیما اب بھی وہاں پھنسے ہوئے ہیں۔"

حکام نے کوہ پیماؤں کو نکالنے کے لیے ریسکیو ٹیمیں روانہ کر دی ہیں۔

آتش فشاں جمعہ کی صبح تقریباً 7:41 بجے پھٹا، جس کے نتیجے میں دھوئیں اور راکھ کا بادل فضا میں تقریباً 10 کلومیٹر کی بلندی تک بلند ہوا۔

انڈونیشیا کی قومی ایجنسی برائے انسداد آفات(BNPB) نے کہا ہے کہ ایسی اطلاعات ہیں کہ ماؤنٹ ڈوکونو کے واقعے میں دو سیاحوں کی ہلاکت کا شبہ ہے۔