صدر رجب طیب ایردوان نے گزشتہ روز لیفکوشا  میں ٹیکنوفیسٹ ایوارڈ کی تقریب سے خطاب کرتے ہوئے اعلان کیا ہے کہ ترکیہ ڈرون ٹیکنالوجی میں دنیا کے سرفہرست تین ممالک میں شامل ہے۔

انہوں نے اس میدان میں غیر متزلزل عزم اور جوش و جذبے کے ساتھ آگے بڑھنے کا عہد کیا۔

ایردوان نے مستقبل پر اعتماد کا اظہار کرتے ہوئے مزید کہا کہ  ٹیکنوفیسٹ کے  ہنر مندوں ، شمالی قبرصی ترک جمہوریہ  میں  ترقی پانے والے منصوبوں اور ہمارے تزویراتی اقدامات کے ساتھ، ہم آنے والی صدیوں تک یہاں کھڑے رہیں گے۔

ہم ترک قوم اور ترک قبرصیوں کی حیثیت سے ان سرزمینوں کے میزبان ہیں۔ شمالی قبرصی ترک جمہوریہ  کے ساتھ ترکیہ  کے مضبوط تعلقات کا اعادہ کرتے ہوئے ایردوان نے اعلان کیا کہ جو لوگ یہ نہیں جانتے انہیں معلوم ہونا چاہئے ، اور جنہوں نے نہیں سنا ہے انہیں سننا چاہئے۔

شمالی قبرص کے صدر ارسین تاتار نے بھی ترکیہ کی دفاعی صنعت کی کامیابیوں کی تعریف کرتے ہوئے کہا کہ قومی دفاعی صنعت میں ترکیہ  کی حالیہ کامیابیوں کے پیچھے موجود ادارے پوری ترک دنیا کے لئے  یادگار افتخار  ہیں۔

ترکیہ کے اہم ٹیکنالوجی ، ہوا بازی اور خلائی میلے  

  ٹیکنوفیسٹ کا شمالی قبرص  میں یہ  اپنا تازہ ترین  انعقاد تھا اور اس نے لیفکوشا  میں ہزاروں افراد کو اپنی طرف متوجہ کیا ، جس نے چار روزہ  میلے  کے پہلے دن تقریبا 62،000 زائرین کی میزبانی کی۔

ترک ٹیکنالوجی ٹیم (ٹی 3) فاؤنڈیشن اور ترکیہ کی صنعت اور ٹیکنالوجی کی وزارت کے زیر اہتمام ، ٹیکنوفیسٹ 2018 سے درجنوں سرکاری اداروں ، نجی شعبے کے شراکت داروں اور یونیورسٹیوں کی مدد سے ہر سال منعقد کیا جاتا ہے۔

اگرچہ یہ   میلہ  روایتی طور پر ترکیہ کے مختلف شہروں میں یکساں سالوں میں منعقد کیا جاتا ہے  جس کے بعد اب ، شمالی قبرص    آذربائیجان کے بعد دوسرا بین الاقوامی میزبان بن گیا ہے ۔

2024 میں ، جنوبی ترکیہ کے شہر ادانا میں ہونے والی تقریب نے تقریبا 1.1 ملین زائرین کو اپنی طرف متوجہ کیا۔