کریملن نے کہا ہے کہ امریکہ اور روس کے درمیان آئندہ مذاکرات اتوار یا اگلے ہفتے کے اوائل میں ہو سکتے ہیں کیونکہ واشنگٹن آنے والے دنوں میں کیف کے ساتھ بھی بات چیت کرے گا۔

کریملن کے ترجمان دمتری پیسکوف نے گزشتہ روز کہا کہ یہ اگلے ہفتے کا آغاز ہو سکتا ہے۔

ترجمان نے یورپی ممالک پر یہ بھی الزام عائد کیا کہ وہ امن کی تلاش کے بجائے خود کو "مسلح " بنانے کی منصوبہ بندی کر رہے ہیں، جب فوجی سربراہان یوکرین کے دفاع پر تبادلہ خیال کرنے کے لئے برطانیہ میں جمع ہوئے۔

پیسکوف نے کہا کہ زیادہ تر برسلز اور یورپی دارالحکومتوں سے ملنے والے اشارے یورپ کو فوجی اڈہ  بنانے کے منصوبوں سے متعلق ہیں۔

ان کا مزید کہنا تھا کہ یورپ نے خود کو  مسلح شکل دے دی ہے اور کسی حد تک جنگی  جتھہ  بن چکا ہے۔

یورپ یوکرین کے دفاع کی حمایت کرے گا

یورپی یونین کے رہنماؤں کے سربراہی اجلاس کے راستے میں سبکدوش ہونے والے جرمن چانسلر اولاف شولز نے کہا کہ یورپ کو واشنگٹن اور ماسکو کے درمیان کسی بھی بات چیت سے قطع نظر یوکرین کی بھرپور حمایت جاری رکھنی چاہیے تاکہ اس بات کو یقینی بنایا جا سکے کہ کیف مضبوط پوزیشن میں   آجائے اور جنگ بندی برقرار رہے۔

اس کا مطلب یہ ہے کہ یوکرین اپنی آزادی اور خودمختاری کا دفاع کر سکتا ہے اور یہ کہ وہ اپنا راستہ خود طے کرتا ہے اور اپنے رہنماؤں کا انتخاب کرتا ہے۔

انہوں نے مزید کہا کہ دفاعی اور بنیادی ڈھانچے کے اخراجات میں اضافے کے لئے جرمنی کے ممکنہ مستقبل کے اتحاد کی طرف سے طے شدہ قرض پیکج اس کا ایک اہم حصہ ہے۔

یونین کی خارجہ پالیسی کے سربراہ کاجا کالاس نے تجویز دی کہ یوکرین کے لئے حمایت کا مظاہرہ کارروائیوں کے ذریعے کیا جانا چاہئے ، خاص طور پر گولہ بارود کی شکل میں جس کی اس  جنگ زدہ ملک کو ضرورت ہے۔

کالاس نے کہا کہ اگر آپ رہنماؤں کے بیانات سنتے ہیں تو حمایت بہت زیادہ نظر  آتی  ہے اور یہی وجہ ہے کہ اس عمل میں   گولہ بارود  بھی مد نظر رکھنا چاہئے جس کی یوکرین کو ضرورت ہے، لہذا میں واقعی پرامید ہوں کہ ہم اس عمل کو  آگے بڑھائیں گے۔

خبر رساں ادارے روئٹرز کو لکھے گئے ایک خط کے مطابق، اس سے قبل کالاس نے اس بات پر زور دیا تھا کہ وہ بڑے پیمانے پر توپ خانے  سے  20 لاکھ  کے قریب آتشیں  اسلحہ  فراہم کرنے کی سفارش  کریں  گی ۔