اسرائیلی وزیراعظم بنیامین نیتن یاہو کے دفتر نے کہا کہ اسرائیل امریکی صدر ڈونلڈ ٹرمپ کے ایران کے خلاف فوجی حملوں کو دو ہفتوں کے لیے معطل کرنے کے فیصلے کی حمایت کرتا ہے۔
دفتر نے امریکی سوشل میڈیا پلیٹ فارم X پر کہا کہ اسرائیل صدر ٹرمپ کے اس فیصلے کی حمایت کرتا ہے کہ ایران کے خلاف حملے دو ہفتوں کے لیے معطل کیے جائیں، بشرطیکہ ایران فوری طور پر آبنائے کھول دے اور امریکہ، اسرائیل اور خطے کے ممالک کے خلاف تمام حملے بند کر دے،"۔
ٹرمپ نے منگل کو اعلان کیا کہ انہوں نے "ایران پر بمباری اور حملے کو دو ہفتوں کے لیے معطل کرنے" پر اتفاق کیا ہے۔
پاکستان کے وزیراعظم شہباز شریف، جنہوں نے جنگ بندی کرانے میں اہم کردار ادا کیاانہوں نے X پر اعلان کیا کہ انہوں نے جمعہ کو ایرانی اور امریکی وفود کو اسلام آباد مدعو کیا ہے اور کہا کہ واشنگٹن اور تہران اپنے اتحادیوں کے ساتھ لبنان سمیت تمام متنازعہ علاقوں میں فوری جنگ بندی پر متفق ہو گئے ہیں۔
تاہم، نیتن یاہو کے دفتر نے کہا کہ دو ہفتوں کی جنگ بندی میں لبنان شامل نہیں ہے
نیتین یاہو نے مزید کہا کہ اسرائیل امریکہ کی اس کوشش کی بھی حمایت کرتا ہے کہ ایران اب امریکہ، اسرائیل، ایران کے عرب ہمسایہ ممالک اور دنیا کے لیے جوہری، میزائل اور دہشت گردی کا خطرہ نہ رہے۔"
نومبر 2024 میں جنگ بندی نافذ ہونے کے باوجود اسرائیل نے 2 مارچ کو حزب اللہ کے سرحد پار حملے کے بعد جنوبی لبنان میں فضائی حملے اور زمینی کارروائی جاری رکھی ہوئی ہے
وزارت صحت کے مطابق، 2 مارچ کے بعد سے اسرائیلی حملوں میں ہلاک ہونے والوں کی تعداد بڑھ کر 1,497 ہو گئی ہے جبکہ 4,639 دیگر زخمی ہوئے ہیں۔
