امریکی وزیر خزانہ سکاٹ بیسنٹ ایران کی دھمکیوں کے باعث دارالحکومت واشنگٹن میں اپنے گھر سے فوجی اڈے پر منتقل ہو گئے ہیں۔
نیویارک ٹائمز کے مطابق، اس معاملے سے واقف ذرائع کا حوالہ دیتے ہوئےامریکی حکام نے حالیہ ہفتوں میں بیسنٹ کے خلاف دھمکیوں کے بارے میں انٹیلی جنس معلومات کی بنیاد پر یہ نتیجہ اخذ کیا ہے کہ موجودہ اور سابق امریکی حکام کے خلاف ایران کی سازشیں ایک نئے مرحلے میں داخل ہو چکی ہیں جس کے بعد بیسنٹ نے دارالحکومت واشنگٹن میں اپنا گھر چھوڑ دیاور ایک فوجی اڈے میں آباد ہو گئے۔
اس معاملے پر بات کرتے ہوئے امریکی اہلکار نے بیسنٹ کے خلاف خطرے کی سنگینی کے بارے میں معلومات نہیں دی لیکن کہا کہ ایران کی امریکہ اور بیرون ملک حملوں کی صلاحیت محدود ہے۔
امریکی محکمہ خزانہ کے ترجمان نے نیویارک ٹائمز کو ایک بیان میں کہا کہ بیسنٹ "ایرانی حکومت کی دھمکیوں سے خوفزدہ نہیں ہوں گے" اور یہ کہ وہ ایرانی معیشت پر دباؤ ڈالنے کی مہم کو آگے بڑھانے کے لیے پرعزم ہیں۔
ٹرمپ انتظامیہ کے دیگر اہلکاروں کو بھی سیکورٹی وجوہات کی بنا پر منتقل کر دیا گیا تھا۔
دوسری جانب، ڈونلڈ ٹرمپ انتظامیہ کے دیگر اہلکار حال ہی میں ایرانی دھمکیوں کے الزامات کی وجہ سے سیکیورٹی وجوہات کی بناء پر اپنے گھروں سے باہر چلے گئے ہیں۔
ان ناموں میں ٹرمپ کے نجی مشیر اسٹیفن ملر اور سابق وزیر انصاف پام بونڈی بھی شامل ہیں
