ایران کی انقلابِی فوج 'آئی آر جی سی' نے آج بروز جمعہ جاری کردہ بیان میں ملک کے وسطی حصوں میں ایک امریکی ایف۔35 جنگی طیارہ گرانے کا دعوی کیا ہے۔

ایران کی نیم سرکاری خبر رساں ایجنسی 'تسنیم ' نے آئی آر جی سی کے بیان کے حوالے سے جاری کردہ خبر میں کہا ہے کہ طیارے کو تباہ کر دیا گیا ہے تاہم  پائلٹ کی عاقبت  کے بارے میں کچھ معلوم نہیں ہے۔

یہ ، 28 فروری سے جاری جنگ کے دوران ایران کے طرف سے امریکہ کے ایف۔35 گرائے جانے سے متعلق، دوسرا دعوی ہے۔

امریکہ نے تاحال اس دعوے کا کوئی جواب نہیں دیا۔

ایران نے 19 مارچ کو جاری کردہ بیان میں بھی  امریکہ کے ایف-35 کو گرا نے کا اعلان کیا تھا  جسے واشنگٹن نے مسترد کر دیا تھا۔

کل بروز جمعرات تہران نے ایک اسرائیلی ایف۔16 طیارہ گرانے کا بھی دعوی کیا ہے۔

واضح رہے کہ اسرائیل اور امریکہ کی   28 فروری سے ایران کے خلاف جاری جنگ میں، اُس وقت کے دینی لیڈر علی خامنہ ای سمیت،  1,340 سے زائد افراد ہلاک ہو چکے ہیں ۔

جوابی کاروائی میں ایران نے ڈرون اور میزائل حملے کئے اور  اسرائیل کے ساتھ ساتھ اردن، عراق اور امریکی فوجی اڈّوں کے میزبان خلیجی ممالک کو ہدف بنایا ہے۔ ان حملوں  سے جانی  اور بنیادی ڈھانچے کا نقصان ہوا اور عالمی منڈیوں اور فضائی رسل و رسائل  میں خلل پڑا ہے۔