امریکی جیولوجیکل سروے  کے مطابق، چین کا صوبہ چنگھائی آج  صبح کے آخری پہر دو زلزلوں سے لرز اٹھا جن کی شدت 5.7 اور 5.8 تھی ۔

پہلا زلزلہ مقامی وقت کے مطابق صبح 11:16 بجے پر 10 کلومیٹر کی گہرائی میں آیا  جبکہ دوسرا زلزلہ اسی گہرائی میں مقامی وقت کے مطابق صبح 11:34 بجے پر پیش آیا۔

ابتدائی اطلاعات کے مطابق کسی جانی نقصان کی اطلاع نہیں ملی ہے۔

شمال مغربی چین کا صوبہ چنگھائی ایک کم آبادی والا خطہ ہے جہاں اکثر زلزلے آتے رہتے ہیں۔

سرکاری ٹیلی ویژن سی سی ٹی وی  پر دکھائی جانے والی ایک ویڈیو میں زمین لرزنے کے دوران چٹانوں سے مٹی کے بادل اٹھتے ہوئے دیکھے گئے۔

ان زلزلوں نے پڑوسی صوبے گانسو کے خطے کے سب سے بڑے شہروں میں سے ایک، لانژو  کو بھی متاثر کیا۔

 سوشل میڈیا پر سامنے آنے والی ویڈیوز میں شہر کے گھروں میں لیمپ ہلتے ہوئے دکھائی دیے۔