انڈونیشیا نے اقوامِ متحدہ سے مطالبہ کیا ہے کہ جنوبی لبنان میں اسرائیلی حملوں کے بعد ہلاک ہونے والے اپنے تین UNIFIL امن محافظوں کی موت کی تحقیقات کرائی جائیں ۔
وزارت خارجہ کے اقوامِ متحدہ کے نمائندے عمر ہادی نے گزشتہ روز سیکیورٹی کونسل کے ہنگامی اجلاس کے دوران یہ بیان دیا۔
انہوں نے کہا کہ ہم اقوامِ متحدہ سے براہِ راست تفتیش کا مطالبہ کرتے ہیں ،لہذا محض اسرائیل کے بہانوں پر اکتفا نہیں کیا جائے۔
انڈونیشیا نے اس ہفتے کے آغاز میں کہا تھا کہ اسرائیلی فوجی کارروائیاں لبنان میں اقوامِ متحدہ کے امن محافظوں کو شدید خطرے میں ڈال رہی ہیں۔
اقوامِ متحدہ کے امن سیکشن کے سربراہ ژاں پیئر لیکرو نے منگل کو ابتدائی تفتیشی نتائج کا حوالہ دیتے ہوئے کہا کہ بظاہر راستے کے کنارے دھماکے نے پیر کو جنوبی لبنان میں ہلاک ہونے والے دو انڈونیشی امن محافظوں کے قافلے کو نشانہ بنایا۔
اسرائیلی فوج نے منگل کو کہا کہ یونِفل اہلکاروں کے ساتھ پیر کے روز پیش آنے والے واقعے کے اپنے جائزے میں یہ نتیجہ اخذ کیا کہ اسرائیلی فوجیوں نے اس علاقے میں کوئی بارودی مواد نہیں رکھا اور وہاں کوئی فوجی موجود نہیں تھا۔
واضح رہے کہ اقوامِ متحدہ نے 2024 میں کہا تھا کہ انڈونیشیا امن مشنز کے لیے 2,700 سے زائد اہلکار مہیا کرتا ہے ۔
