چین نے کیٹی زکریا کو کثرت سے چین کے دورے کرنے کی دعوت دی ہے۔

وائٹ ہاؤس کی ترجمان کیٹی زکریا کے بروز جمعہ دورہ چین  کے بعد جاری کردہ اور  "چین میں مناسب بیت الخلا بھی موجود نہیں ہیں" کے الفاظ پر مبنی بیان  نے دونوں ممالک کے درمیان سفارتی تنازعے کو جنم دیا ہے۔

چین وزارتِ خارجہ کی ترجمان ماؤ ننگ نے ایک پریس کانفرنس کے دوران مسکراتے ہوئے زکریا کے بیان کا جواب دیا۔ انہوں نے کہا کہ ’’ہمیں خوشی ہوگی اگر وہ موقع ملنے پر چین کا زیادہ کثرت سے دورہ کریں۔‘‘

کیٹی زکریا نے دائیں بازو کے سوشل میڈیا انفلوئنسر جیک پوسوبیک کو دیئے گئے ایک انٹرویو میں کہا  کہ 2016 میں میں نے ان پیش گوئیوں پر سوال اٹھایا تھا کہ چین جلد ہی معاشی اعتبار سے امریکہ کو پیچھے چھوڑ دے گا ۔

کیٹی زکریا نے کہا کہ ’’ان دنوں میں میں ابھی چین سے واپس آئی تھی اور مجھے یہ بات اچھی طرح یاد ہے۔ میں سوچ رہی تھی کہ چین دنیا کی اگلی ابھرتی ہوئی طاقت کیسے بن سکتا ہے؟ وہاں تو مناسب بیت الخلا بھی نہیں ہیں۔‘‘

زکریا، جو ماضی میں چین میں رہ چکی ہیں، توقع ہے کہ آئندہ ماہ ایک بار پھر اس ملک کا دورہ کریں گی۔

وائٹ ہاؤس کی ترجمان کے یہ بیانات ایسے وقت میں سامنے آئے ہیں جب امریکہ اور چین کے درمیان تجارت، ٹیکنالوجی، تائیوان اور انسانی حقوق کے معاملات پر مسابقت میں شدت آ رہی ہے۔