ترکہ محکمہ اطلاعات کے مطابق صدر رجب طیب ایردوغان نے جمعہ کو قزاقستان کے شہر ترکستان میں ترک ریاستوں کی تنظیم  کے غیر رسمی اجلاس کے موقع پر ازبکستان کے صدر شوکت میرزیئیوف سے ملاقات کی۔

ترک سوشل میڈیا پلیٹ فارم NSosyal پر جاری بیان کے مطابق، رہنماؤں نے ترکیہ اور ازبکستان کے دوطرفہ تعلقات کے علاوہ علاقائی اور عالمی معاملات پر تبادلہ خیال کیا۔

بیان میں مزید کہا گیا کہ ملاقات کے دوران ایردوان نے کہا کہ دونوں ممالک تمام شعبوں میں، بالخصوص دفاعی صنعت اور تجارت میں تعاون کو بڑھانے کی کوششیں جاری رکھیں گے۔

انہوں نے یہ بھی کہا کہ انہیں یقین ہے کہ ترکیہ اور ازبکستان بین الاقوامی فورمز پر آپس میں یکجہتی بڑھائیں گے، اور انہوں نے میرزیئیوف کو ترکیہ میں منعقد ہونےو الے  مذکورہ سمٹ اور COP31 دونوں  میں شرکت کی دعوت دی ۔

 بند  کمرے  میں  ہونے والی یہ  ملاقات ایردوان کے قیام پذیر ہوٹل میں ہوئی، اس ملاقات میں  ترک وزیرِ خارجہ حاقان فیدان بھی شریک تھے۔

صدر کے ساتھ خاتونِ اوّل امینہ ایردوان  اور  ترک وفد بھی ترکستان پہنچے۔

ایردوان قزاق صدر قاسم-جومیرت توقایف کی دعوت پر او ٹی ایس کے غیر رسمی اجلاس میں شرکت کر رہے ہیں۔

 اس سمٹ میں آذربائیجانی صدر الہام علی یف، ازبک صدر شوکت میرزیئیوف، کرغز صدر صدیر جاپاروف اور شمالی قبرصی ترک جمہوریہ کے صدر طوفان ارہورمان بھی شرکت کر رہے ہیں ۔

جمعرات کو ایردوان نے انڈیپنڈنس پیلس میں قزاق صدر قاسم-جومارت توقایف کے ساتھ ایک ملاقات کی اور ترکیہ-قزاقستان اعلیٰ سطحی اسٹریٹجک تعاون کونسل کے چھٹے اجلاس کی صدارت کی۔

بات چیت کے بعد دونوں رہنماؤں نے مشترکہ پریس کانفرنس کی اور بعد ازاں ترکی-قازقستان کاروباری فورم کی اختتامی تقریب میں شرکت کی۔

ترک صدر او ٹی ایس کے غیر رسمی اجلاس میں شرکت کے لیے کل  صبح آستانہ سے ترکستان روانہ ہوئے تھے۔