ایرانی میڈیا کے مطابق امریکہ اور اسرائیل ایک وسیع  پیمانے کی کارروائی جاری رکھے ہوئے ہیں شمالی اور مغربی ایران کے کئی ہوائی اڈوں اور مقامات پر  فضائی حملے ہوئے ہیں ۔

تہران اور وسطی شہر قم میں دھماکوں کی اطلاعات  ہیں ، جبکہ اہم انفراسٹرکچر  کو بھی نشانہ بنایا گیا ہے ، جن میں مغرب میں خرم آباد ائیرپورٹ اور شمال میں مہرآباد ائیرپورٹ شامل ہیں۔

ایرانی ریاستی نشریاتی ادارے IRIB نے کہا کہ دارالحکومت کے بعض حصوں کو رات کے وقت نشانہ بنایا گیا، جن میں رہائشی محلے تہران پارس اور سعادت آباد بھی شامل تھے۔

حکیم ہائی وے کے ساتھ واقع ایک گرڈ اسٹیشن  اور ضلع مولوی کی تجارتی دکانیں بھی نقصان کا شکار ہوئیں۔

مقامی حکام نے اطلاع دی  ہے کہ قم اور وسطی شہر یزد کے قریب مزید مقامات کے بھی نشانہ بنے  ہیں  جس سے انفراسٹرکچر کو نقصان پہنچا ہے۔

رپورٹس میں کہا گیا کہ تہران کے انقلاب علاقے میں واقع ایک یہودی عبادت گاہ بھی ہدف بن گئی۔

ابتدائی اطلاعات کے مطابق کسی جانی نقصان کی فوری تصدیق نہیں ہوئی۔