یمن نے دہشت گرد تنظیم 'داعش' کے سرغنہ 'ابو حذیفہ الانصاری' کی ہلاکت کا اعلان کیا ہے۔

یمن حکومت کے زیرِ کنٹرول صبا ٹیلی ویژن کے مطابق یمنی حکام نے منگل کے روز جاری کردہ بیان مین کہا ہے کہ داعش دہشت گرد تنظیم کے سرغناوں میں سے  ابو حذیفہ الانصاری کو سعودی زیرِ قیادت اتحاد کے مشترکہ آپریشن میں ہلاک کر دیا گیا ہے۔

یمن کی مرکزی ریاستی سکیورٹی سروس کے جاری کردہ بیان میں الانصاری کی ہلاکت کی تصدیق کی گئی لیکن آپریشن کے مقام یا دیگر تفصیلات کے بارے میں کچھ نہیں بتایا گیا۔

بیان کے مطابق سعودی زیرِ قیادت اتحاد کی خصوصی فورسز نے یمن کی انسدادِ دہشت گردی فورسز کی 22ویں بریگیڈ کی معاونت سے یہ کارروائی انجام دی۔ آپریشن میں کسی شہری کے ہلاک یا زخمی ہونے کی کوئی اطلاع نہیں دی گئی۔

بیان میں یہ واضح نہیں کیا گیا  ہےکہ الانصاری کا تنظیم میں عہدہ یا قائدانہ کردار کیا تھا تاہم  2023 سے اُسے داعش کے ترجمان کے طور پر جانا جاتا تھا۔