ترکیہ نے اپنے آخری گروپ میچ میں  امریکہ کو  شکست  دے دی، لاس اینجلس اسٹیڈیم  میں 2026 فیفا ورلڈ کپ کے گروپ ڈی کے آخری میچ میں ترکیہ  3-2  کے اسکور سے کامیاب ہوا۔

امریکہ نے میچ  کا آغاز جارحانہ طریقے سے کیا  اور آسٹن ٹرسٹی نے تیسرے منٹ میں اوعرجان چاکر کو  مات دیتے ہوئے  ایک صفر کی  برتری حاصل کر لی۔

ترک ٹیم  نے جوابی گول چند ہی منٹوں بعد کر دیا  جب  بارش الپر یلماز نے امریکی دفاع کو چیرتے ہوئے بال کو  ریئل میڈرڈ کے سٹار آردا گولر کے  سامنے تک پہنچا دیا ، جس نے دسویں منٹ میں زور دار شاٹ لگا کر اپنا اور ٹیم کا ورلڈ کپ میں پہلا گول کیا۔

یہ ترکیہ کا 2002 میں الہان مانسز کے گول کے بعد فیفا ورلڈ کپ میں پہلا گول ثابت ہوا ۔

جب میچ برابر ہوا تو دونوں ٹیموں نے ایک دوسرے کے گول پر تابڑ توڑ حملے کیے۔ اس بار ترکیہ نے شاندار پاس کے تسلسل کے ذریعے  سبقت حاصل کی،  اورکن  کھوکچو  31 ویں منٹ میں گول کرنے میں کامیاب ہو گئے۔

قریبی فاصلے سے  شاٹ

دوسرے ہاف کے آغاز میں منظم ہو کر امریکہ نے 49 ویں منٹ میں  اپنا دوسرا گول کر دیا جس سے اسکوردوبارہ برابر ہو گیا۔

میچ کےآخری لمحات میں  ترکیہ نے قان آئیحان  کے گول سے فتح اپنے نام کر لی، جو کہ اس کی ٹورنامنٹ میں واحد اور پہلی جیت ثابت ہوئی۔

ترکیہ کے کوچ و مونٹیلا نے کہا کہ اس جیت کے ساتھ  ہماری  ٹیم سربلند گھر واپس لوٹے  گی۔

مونٹیلا نے کھلاڑیوں کی مہارت، صلاحیت اور کردار کی تعریف کی، خاص طور پر اس ذہنی دباؤ کے باوجود کہ وہ پہلے ہی   ٹورنا منٹ سے باہر ہو چکے تھے  اور میچ  میزبان ملک کے خلاف کھیل رہے تھے۔

اس میچ کے نتیجے کے طور پر، امریکہ گروپ ڈی میں پہلے نمبر پر رہا اور گروپ مرحلے سے آگے بڑھ گیا، جبکہ ترکیہ نے  آخری  نمبر پر رہتے ہوئے ٹورنامنٹ کو خیر باد کہا۔

امریکہ اب  ناک آوٹ راؤنڈ میں بوسنیا ہرزیگووینا کے ساتھ نبرد آزما ہو گا۔