یمنی حکومت نے اعلان کیا ہے کہ ملک کے جنوب مغربی حصے میں واقع شہر طائعز میں حوثیوں کے ساتھ شدید جھڑپیں جاری ہیں۔

یمنی فوج کی جانب سے جاری بیان میں میدانِ جنگ کی صورتحال کے بارے میں معلومات فراہم کی گئیں۔

بیان میں کہا گیا کہ طائعز شہر کے شمالی محاذ پر حکومتی فوجیوں اور حوثیوں کے درمیان  گھمسان کی جھڑپیں ہو رہی ہیں، تاہم تفصیلی وضاحت  فراہم نہیں کی گئی۔

دوسری جانب، ان  جھڑپوں میں یمنی فوج  کے ایک اعلیٰ کمانڈر کے ہلاک ہونے کی اطلاع دی گئی ہے۔

یمنی وزارتِ داخلہ کی تحریری اطلاع میں کہا گیا  ہے کہ وزارتِ داخلہ کے ماتحت ایمرجنسی فورسز کے چیف آف اسٹاف ، لیفٹیننٹ جنرل محمد سلیم عبداللہ الحولانی، طائعز کے 'قدحہ' محاذ پر وطن کی خدمت میں حوثیوں کے ساتھ جھڑپ  میں  اللہ کو پیارے  ہو گئے۔

الحولانی جولائی میں دوبارہ چھڑنے  والی جھڑپوں میں  ہلاک ہونے والے یمنی فوج کے اعلیٰ ترین کمانڈر تھے ۔

عدن میں حوثیوں کے ڈرونز  مار گرائے گئے

یمن مسلح افواج کے ترجمان کرنل ماجد عبداللہ الانزیلی نے کہا کہ عبوری دارالحکومت عدن کی فضاؤں میں حوثیوں کی  طرف سے داغے گئے ڈرونز کو ناکارہ بنا دیا گیا ہے۔

الانزیلی نے کہا کہ  ڈرونز کو شہری علاقے تک  پہنچنے سے پہلے ہی گرا دیا گیا۔

حوثیوں نے دعویٰ کیا تھا کہ انہوں نے سعودی عرب کی قیادت میں عرب اتحاد کے عدن میں واقع ہیڈکوارٹر پر آئی ایچ اے کے ذریعے حملے کیے تھے۔