کولمبیا، منگل کے روز جمہوریہ کانگو کو  0-1 سے شکست دے کر 2026 فیفا ورلڈ کپ کے گروپ K سے اگلے مرحلے میں منتقلی کی امیدیں تازہ رکھے ہوئے ہے۔

میچ میکسیکو کے شہر' گواڈالاخارا 'کے اسٹیڈیم میں کھیلا گیا۔ ڈی آر کانگو کے گول کیپر لیونیل مپاسی کی شاندار کارکردگی  نے جنوبی امریکہ کی ٹیم کو گول کرنے سے روکے رکھا اور میچ کے اوّلین اوقات میں کوئی ٹیم گول نہیں کر سکی۔

بالآخر 76ویں منٹ میں دفاعی کھلاڑی 'ڈینیئل مُونیوز' نے میچ کا واحد گول کر کے  کولمبیا کو برتری دِلا دی۔اس گول نےکولمبیا کی  ٹیم کے لیے تینوں قیمتی پوائنٹ یقینی بنا دیئے۔

اس فتح کے بعد کولمبیا کے پوائنٹ 6 ہو گئے ہیں  اورٹیم نے ورلڈ کپ کے آخری 32 ٹیموں کے مرحلے میں اپنی جگہ پکی کر لی ہے۔

دوسری جانب، ڈی آر کانگو دو میچوں میں صرف ایک پوائنٹ کے ساتھ گروپ K میں تیسرے نمبر پر ہے۔ اگر وہ اپنے اگلے اور  آخری گروپ میچ میں ازبکستان کو شکست دے دے تو ابھی بھی اگلے مرحلے میں پہنچ سکتا ہے۔

علاوہ ازیں منگل کے روز  دن کے ابتدائی لمحات میں کرسٹیانو رونالڈو نے، پرتگال کے ازبکستان پر 0-5 کی برتری  سے جیتے گئے میچ میں، ایک نیا عالمی ریکارڈ بھی قائم کیا ۔ اس میچ میں گول کرنے کے بعد رونالڈو ورلڈ کپ کی تاریخ میں چھ مختلف عالمی ٹورنامنٹوں میں کم از کم ایک گول کرنے والے پہلے فٹبالر بن گئے ہیں۔

امریکہ، میکسیکو اور کینیڈا کی مشترکہ میزبانی میں  اور 48 ممالک کی ٹیموں کی شرکت سے منعقدہ  2026 فیفا ورلڈ کپ 11 جون کو شروع ہوا  اور 19 جولائی تک جاری رہے گا ۔