روس اور یوکرین نے گزشتہ ماہ کے بعد سے دونوں ممالک کے درمیان ہونے والے اسی طرح کے تبادلوں کے سلسلے کے آخری مرحلے میں گزشتہ روز ہلاک ہونے والے فوجیوں کی لاشوں کا تبادلہ کیا ہے۔
روسی اسٹیٹ دوما کے رکن شمسائل سرالیئف نے آر بی کے نیوز ایجنسی کو دیے گئے ایک بیان میں بتایا کہ ماسکو نے 261 یوکرینی فوجیوں کی لاشیں واپس کی ہیں، جبکہ کیئف نے 24 روسی فوجیوں کی لاشیں لوٹائی ہیں۔
یوکرین کے 'جنگی قیدیوں کے معاملات سے متعلق رابطہ مرکز نے بعد میں اس تبادلے کی تصدیق کی۔
انہوں نے ٹیلی گرام پر جاری کردہ ایک بیان میں کہا کہ 261 لاشیں ملک واپس لائی گئی ہیں جو "روسی حکام کے مطابق یوکرینی فوجیوں کی تھیں"۔
بیان میں مزید کہا گیا کہ ہم لاشوں کی واپسی کے عمل کو آسان بنانے اور اس میں تعاون فراہم کرنے پر عالمی کمیٹی برائے صلیب احمر کا تہہ دل سے شکریہ ادا کرتے ہیں۔
روس اور یوکرین کے درمیان اس معاملے پر آخری تبادلہ 16 جولائی کو ہوا تھا جس میں ماسکو نے یوکرین کو 501 لاشیں اور کیئف نے روس کو 31 لاشیں واپس کی تھیں۔
