چوبیس گھنٹوں کے دوران دنیا کے مختلف حصوں میں پانچ شدت سے زیادہ کے تین زلزلے آئے، جنہوں نے جنوبی امریکہ، وسطی امریکہ اور جنوبی ایشیا کے علاقوں کو ہلا کر رکھ دیا۔

بدھ کے روز ارجنٹینا کے صوبہ لا ریوجا میں 5.7 شدت کا زلزلہ آیا، جرمن ریسرچ سینٹر فار جیو سائنسز (GFZ) نے رپورٹ کیا ہے کہ یہ  زلزلہ سطح زمین سے 122 کلو میٹر گہرائی  میں آیا ہے۔  

یورپی بحیرہ روم زلزلہ مرکز (EMSC) کے مطابق منگل کے روز کوستا ریکا میں 6.0 شدت کا زلزلہ آیا، جس کی گہرائی 31 کلومیٹر تھی ۔

اسی دن، افغانستان کے ہندوکش علاقے میں 5.1 شدت کا زلزلہ ریکارڈ کیا گیا، جس کی گہرائی 244 کلومیٹرتھی، اور دارالحکومت کابل میں شدید جھٹکے محسوس کیے گئے۔