امریکہ کے  صدر ڈونلڈ ٹرمپ نے دعویٰ کیا  ہےکہ ایران معاہدے کے قریب پہنچا لیکن پھر پیچھے ہٹ گیا تھا۔

ہفتے کو رات دیر گئے  اسرائیلی چینل N12 کے لئے انٹرویو میں  ٹرمپ نے کہا ہے کہ ان کے خیال میں تہران واقعی معاہدہ نہیں چاہتا تھا۔

صدر ٹرمپ  نے اسرائیل کے وزیر اعظم بنیامین نیتن یاہو کے ساتھ اپنی حالیہ ٹیلی فونک ملاقات کو 'اچھا' قرار دیا اور کہا ہے کہ ہم دونوں ایک ہی خط  پر آگے بڑھ رہے ہیں۔

ایران کے خلاف امریکی عسکری کارروائی کے متعددترجیحات کا ذکر کرتے ہوئے  ٹرمپ نے کہا  ہےکہ وہ فوجی حملے کو طُول دے سکتے، سب کچھ اپنے قبضے میں لے سکتے  یا پھر  چند دنوں میں کاروائی ختم کر سکتے ہیں۔ انہوں نے  ایرانی حکام کو خبردار کیا  ہےکہ اگر انہوں نے دوبارہ  جوہری ہتھیاربنایا تو امریکہ دوبارہ حملہ کرے گا۔

ٹرمپ نے مزید کہا ہے کہ ایران کو  حالیہ حملوں کے اثرات سےنکلنے میں  'چند سال' لگیں گے۔

واضح رہے کہ اسرائیل اور امریکہ نے ہفتے کی صبح ایران کے خلاف مشترکہ عسکری کارروائی شروع کی اور کہا ہے کہ یہ حملے  'ایرانی انتظامیہ ' کی  دھمکیوں کی وجہ سے کئے گئے ہیں۔

یہ  حملے، جنیوا میں بروز جمعرات  ختم ہونےوالے  تازہ ترین امریکہ۔ایران جوہری مذاکرات سے فوراً بعد کئے گئے ہے۔  دونوں فریقین نے عمانی ثالثی میں طے پانے والے مذاکرات کے ماحول کو سنجیدہ اور تعمیری قرار دیا تھا۔

گذشتہ جون میں بھی امریکہ نے 12 روزہ اسرائیل۔ایران جنگ کے دوران ایران کے تین نیوکلیئر مقامات پر حملہ کیا تھا۔