ایران  کی وزارتِ صحت نے کہا ہے کہ ملک پر جاری  امریکی اور اسرائیلی حملوں میں ہلاکتیں 926 تک پہنچ گئی ہیں۔

وزارت کے ترجمان حسین کرمانپور نے کہا کہ 28 فروری سے 4 مارچ کو شام 5 بجے تک کیے گئے حملوں میں 6,186 افراد زخمی ہوئے ہیں۔

X پر جاری کیے گئے ایک بیان میں کرمانپور نے کہا کہ زخمیوں میں سے 2,054 افراد اس وقت ہسپتالوں میں علاج کروا رہے ہیں۔

مزید 3,545 افراد کا علاج کر کے  فارغ  کیا گیا، جبکہ 552 کو واقعے کی جگہ پر طبی امداد فراہم کی گئی۔

انہوں نے بتایا کہ اب تک زخمیوں  کے  502 آپریشن کیے جا چکے ہیں۔

وزارت کے مطابق ہلاک شدگان میں خواتین کا حصہ 13 فیصد جبکہ مردوں کا حصہ 87 فیصد تھا۔

کرمانپور نے کہا کہ ہلاک شدگان میں 180 افراد 18 سال سے کم عمر تھے، جن میں پانچ سال سے کم عمر تین بچے بھی شامل ہیں۔

سب سے کم عمر شہید تہران میں ایک سالہ بچہ تھا۔

زخمیوں میں سے 301 افراد 18 سال سے کم عمر تھے اور 39 پانچ سال سے کم عمر تھے۔

زخمیوں میں سب سے چھوٹا ایک چھ ماہ کا لڑکا تھا، جبکہ سب سے عمر رسیدہ 91 سالہ مرد تھا۔

اسرائیل اور امریکہ نے ہفتہ سے ایران پر بڑے پیمانے پر حملے جاری رکھے ہیں، جن میں سیکڑوں افراد ہلاک ہوئے، جن میں  رہبر اعلی  علی خامنہ ای اور سینئر عسکری حکام بھی شامل ہیں۔

ایران نے جواب میں ڈرون اور میزائل حملے کیے جن کا ہدف اسرائیل کے علاوہ خلیجی ممالک بھی رہے جو امریکی عسکری اثاثوں کی میزبانی کرتے ہیں۔