کولمبیا نے منگل کے روز اپنے سب سے فوجی ساجھے دار ملک  'امریکہ 'سے عسکری درآمدات بند کر دی ہیں۔

پیر کے روز، صدر ڈونلڈ ٹرمپ نے کولمبیا کی کوکین اسمگلنگ کے سدّباب میں ناکامی کی وجہ سے اس جنوبی امریکی ملک کو  منشیات کے خلاف بحیثیت  اتحادی کے ایک  ناکام ملک  قرار دیا  تھا۔

انہوں نے کہا تھا کہ کولمبیا کے بائیں بازو کے صدر گستاوو پیٹرو پر نہ صرف کوکین کی پیداوار کو روکنے میں ناکام  رہے ہیں بلکہ ان کے دور میں کوکین  کی پیداوار  "تاریخی ریکارڈ" تک پہنچ گئی ہے۔لہٰذا ہم نے کولمبیا کو منشیات کنٹرول ذمہ داریوں کو پورا کرنے میں واضح طور پر ناکام قرار دے دیا ہے۔"

کولمبیا کے وزیر داخلہ آرمینڈو بینیڈیٹی نے اس خبر پر ردعمل ظاہر کیا اور ' بلیو ریڈیو ' کے لئے جاری کردہ بیان میں کہا ہے کہ "ٹھیک اس لمحے سے... امریکہ سے ہتھیار نہیں خریدے جائیں گے۔"

کولمبیا کے آرمی کمانڈر فرانسسکو کیوبیڈیس نے بھی جاری کردہ بیان میں کہا ہے کہ امریکہ کا تعاون حاصل ہو یا نہ ہو  'بوگوٹا'، منشیات کی اسمگلنگ زنجیر توڑنے کی جدوجہد جاری رکھے گا"۔

ٹرمپ کی جانب سے گذشتہ  تین دہائیوں میں پہلی بار کولمبیا کو ناکام اتحادی قرار دیا جانا زیادہ تر علامتی سمجھا جا رہا  تھا۔یہ توقع نہیں کی جا رہی تھی کہ یہ فیصلہ انسدادِ دہشت گردی  کے لئے  واشنگٹن کی جانب سے بوگوٹا کو فراہم کی جانے والی لاکھوں ڈالر  امداد پر کوئی خاص اثر ڈالےگا۔

تاہم، اس فیصلے کو  ، منشیات کے خلاف، پیٹرو کی کوششوں پر ایک سخت تنقید کے طور پر دیکھا گیا ہے اورسابق بائیں بازو کے گوریلا رہنما نے جواباً  کہا ہے کہ کولمبیا کی فوج امریکی "امداد" پر انحصار ختم کر دے گی۔