لبنان کے محکمہ صحت نے کہا ہے کہ آج صبح بیروت کے جنوبی مضافات اور جنوبی لبنان  میں  اسرائیلی  حملوں  میں کم از کم 31 افراد ہلاک اور 149 دیگر زخمی ہوئے۔

محکمہ نے مزید کہا کہ یہ اعداد و شمار ابتدائی اور غیر حتمی گنتی پر مبنی ہیں۔

اسرائیلی فوج نے لبنان میں فضائی حملوں  شروع کر دیئے  ہیں اور اسرائیلی میڈیا کی رپورٹس کے مطابق فوج کا کہنا ہے کہ یہ حملے شمالی اسرائیل کی طرف راکٹ فائرنگ کے جواب میں" کیے گئے ہیں۔

حزب اللہ نے اتوار کو کہا کہ اسرائیلی اور امریکی حملوں کے بعد ایران کی حمایت کرنا اس کا "فرض" ہے۔

حالیہ اسرائیلی تشدد نے اس تنازعے کو وسیع کر دیا ہے جو کہ  پورے مشرقِ وسطیٰ میں  پھیل چکا ہے ۔

یاد رہے کہ  حزب اللہ تہران کے مشرقِ وسطیٰ میں اہم حلیفوں میں سے ایک ہے۔

جنگ کے شروع ہونے کے بعد سے 260 سے زائد افراد ہلاک ہو چکے ہیں جن میں اکثریت ایران میں ہے۔

 یہ تنازعہ علاقائی طور پر بھی پھیل گیا ہے اور جوابی حملوں، امریکہ کے خلاف احتجاج اور بڑھتی ہوئی دشمنیوں کے دوران کم از کم 10 افراد اسرائیل میں، 31 لبنان میں، 3 امریکہ میں اور  دیگر خلیجی ریاستوں میں متعدد مزید ہلاک ہوئے ہیں۔