ترکیہ کے وزیرِ رسل و رسائل عبدالقادر اورال اوعلو  نے کہا ہے کہ آج بروز جمعرات بحیرہ اسود میں  استنبول کے پانیوں میں محوِ سفر غیر ملکی پرچم بردار لیکن ترکیہ کے زیرِ انتظام خام تیل ٹینکر پر ڈرون آبدوز حملہ کیا گیا ہے۔ حملے میں ٹینکر کا عملہ محفوظ  رہا ہے۔

عبد القادر اورال اوغلو نے 24TV کی  براہِ راست نشریات  کے دوران جاری کردہ بیان میں  کہا  ہےکہ "الٹورا  نامی یہ جہاز تقریباً 140,000 ٹن خام تیل لے جا رہا تھا۔ حملے میں جہاز کے انجن یونٹ کو  نشانہ بنایا گیا ہے اور یوں لگتا ہے کہ جہاز کو غیر فعال کرنے کی ارادی کوشش کی گئی ہے۔

اورال اوغلو نے کہاہے کہ " روس سے روانہ ہونے والے ایک غیر ملکی پرچم بردار  لیکن  ترکیہ  کے زیرِ انتظام جہاز کے انجن روم میں  دھماکے کی اطلاع ملی ہے۔ ہمیں شک ہے کہ یہ دھماکہ ایک ڈرون آبدوزحملے کا نتیجہ ہے"۔

وزیر نے یہ بھی کہا ہے  کہ واقعے کے وقت جہاز پر 27 رکنی ترک عملہ سوار تھا۔ عملے کےتمام افراد کے محفوظ ہونے کی اطلاع ملی ہے۔تکنیکی ٹیم کو جائے وقوعہ پر بھیج دیا گیا ہے اور صورتحال  کی نگرانی جاری ہے۔