پاکستان کے وزیرِ اعظم شہباز شریف نے جدہ میں ولی عہد شہزادہ محمد بن سلمان سے ملاقات کے دوران اپنے ملک کی “مکمل یکجہتی اور حمایت” کا اظہار کیاہے۔
شہباز شریف جمعرات کو جدہ پہنچے۔
پاکستانی وزیرِ اعظم کے ترجمان مشرف زیدی نے کہا کہ ایک محدود ملاقات کے دوران دونوں رہنماؤں نے علاقائی صورتِ حال پر تبادلۂ خیال کیا اور امن و استحکام کے لیے مل کر کام کرنے پر اتفاق کیا۔
شریف نے کہا کہ پاکستان ہمیشہ سعودی عرب کے ساتھ مضبوطی سے کھڑا رہے گا اور خطے میں امن کی بحالی کے لیے کوشش کرتا رہے گا۔”
پاکستان اور سعودی عرب نے ستمبر میں باہمی دفاعی معاہدہ طے کیا تھا جس میں وعدہ کیا گیا تھا کہ ایک ملک پر حملہ دونوں پر حملے کے مترادف سمجھا جائے گا۔
علاقائی کشیدگی اس وقت بڑھ گئی ہے جب تہران نے اسرائیل ، اردن، عراق اور خلیجی ملکوں میں امریکی اڈوں کو ہدف بنایا۔
امریکہ اور اسرائیل ایران کے خلاف اپنی فوجی کارروائی جاری رکھے ہوئے ہیں جس کے نتیجے میں تقریباً 1,300 افراد ہلاک ہوئے ہیں۔
بدھ کو شہباز شریف سے اپنی فون گفتگو کے دوران ایرانی صدر نے کہا تھا کہ امریکہ، اسرائیل اور ایران کے درمیان جاری تنازعہ کو ختم کرنے کا واحد طریقہ یہ ہے کہ ان کے ملک کے قانونی حقوق کو تسلیم کیا جائے اور جارحیت کے خلاف مضبوط بین الاقوامی ضمانتیں دی جائیں۔
