نائجیریائی فورسز نے شمال مشرقی بورنو صوبے میں آپریشنز کے دوران داعش سے منسلک دہشت گرد گروہ ISWAP کے کم از کم 25 ارکان کو  ہلاک کر دیا۔

تھیٹر کمانڈ کے میڈیا  افسر  سانی ابا نے جاری بیان میں کہا کہ فوجیوں نے لیمانکارا اور کوکاوا علاقوں میں ISWAP کو نشانہ بناتے ہوئے آپریشن کیے۔

 سانی ابا نے کہا کہ فائرنگ کے دوران 15 دہشت گرد  مارے   گئے جبکہ متعدد افراد زخمی حالت  میں   فرار ہو گئے۔

انہوں نے مزید کہا کہ فضائی نگرانی نے فرار ہونے والوں کو پانچ موٹر سائیکلوں پر تعاقب کرتے ہوئے ریکارڈ کیا جہاں ایک اور حملے نے اضافی 10 دہشت گردوں کو ہلاک  کر دیا۔

انہوں نے کہا کہ دہشت گردوں کی جانب سے استعمال ہونے والی دفاعی اور لاجسٹک تنصیبات تباہ کر دی گئیں۔

گروہ کی ملکیت میں  دو گاڑیاں، متعدد ہتھیار اور بڑی مقدار میں گولہ بارود بھی ضبط کیا گیا۔

نائجیریا طویل عرصے سے مختلف حصّوں میں مسلح گروہوں سمیت  بوکو حرام اور ISWAP جیسے دہشت گرد گروہوں کے حملوں سے نبرد آزما رہا ہے۔

امریکی صدر ڈونلڈ ٹرمپ نے دعویٰ کیا ہے کہ نائجیریا میں عیسائیوں  پر ظلم ہو رہا ہے اور وہ نسل کشی کے شکار ہیں جس کے مرتکب  دہشت گرد ہیں۔

لیکن ابوجا اور زیادہ تر آزاد ماہرین کا کہنا ہے کہ نائجیریا میں تشدد بے ترتیب طریقے سے عیسائیوں اور مسلمانوں دونوں کو متاثر کرتا ہے۔

25 دسمبر کو امریکی فوج نے نائجیریا کے سوکوٹو صوبے میں فضائی حملے کیے۔

نائجیریائی حکام نے بعد ازاں کہا کہ یہ کارروائی ان کے ساتھ مربوط تھی اور اس کا ہدف داعش سے منسلک دہشت گرد تھے۔

اس ماہ کے اوائل میں غیر یقینی صورتحال سے نمٹنے کے لیے سکیورٹی تعاون میں اضافے کے تحت تقریباً 100 امریکی فوجی نائجیریا بھیجے گئے تھے، تاہم نائجیریا کا کہنا ہے کہ امریکی فوجی لڑائی میں حصہ نہیں لیں گے۔