روس پر یوکرین کے حملوں میں کم از کم نو افراد ہلاک ہو گئے ہیں جبکہ یوکرین کی جوابی کاروائی میں کم از کم پانچ افراد کی جان چلی گئی ۔
ایسے اشارے مل رہے ہیں کہ ماسکو اور کیئف دونوں نے ایک دوسرے کے خلاف حملوں کے دائرے اور شدت میں اضافہ کر دیا ہے۔
اقوامِ متحدہ کے اعداد و شمار کے مطابق، روس کی جانب سے روکنے میں مشکل طویل فاصلے تک مار کرنے والے میزائلوں کے زیادہ شدید استعمال کے باعث، اس سال یوکرین میں سویلین ہلاکتوں میں تیزی سے اضافہ ہوا ہے۔
دوسری طرف، کیئف نے ماسکو کو اپنی جارحیت ختم کرنے اور مذاکرات پر مجبور کرنے کے مقصد سے روس کے خلاف جوابی حملوں کا ایک سلسلہ شروع کیا ہے، جس میں توانائی کی تنصیبات اور ریٹیل گوداموں کو نشانہ بنایا گیا ہے۔
علاقے کے قائم مقام گورنر الیگزینڈر شواایف کے مطابق، اتوار کے روز کے اوائل میں یوکرین کی سرحد پر واقع روس کے بیلگورود شہرپر یوکرینی حملوں میں چار افراد ہلاک ہو گئے ہلاک ہونے والوں میں ایک 13 سالہ لڑکی بھی شامل تھی جو کھیل کے میدان کے قریب جان سے گئی۔
قائم مقام گورنر اولگا ابرامووا نے بتایا کہ قازقستان کی سرحد پر واقع ساراتوف پر کیے گئے ایک الگ ڈرون حملے میں دو افراد ہلاک ہوئے، جبکہ محاذ سے 1,000 کلومیٹر سے زیادہ دور ادمورتیا میں ایک گاڑی پر یوکرینی ڈرون حملے میں تین افراد کی موت ہو گئی۔
علاقائی حکام کے مطابق، یوکرین میں روسی حملوں کے نتیجے میں مشرقی دنیپروپیترووسک میں دو افراد، اور جنوبی زاپوریژیا اور خیرسون میں کم از کم ایک ایک شخص ہلاک ہو گیا۔
پوسٹل آپریٹر نووا پوشتا کے مطابق، ایک الگ روسی حملے نے شمالی خارکیف میں ایک پوسٹل ٹرمینل کو تباہ کر دیا جہاں ایک ڈاک ملازم مارا گیا۔
