جنوب مغربی چین کے ایک خوبصورت مقام پر تیز آندھی کے باعث سیاحوں کے سوار ہونے والی  کشتیاں الٹنے سے کم از کم نو افراد ہلاک گئے  جبکہ  70 افراد کو  اسپتال میں زیر علاج لے لیا گیا ہے۔

سرکاری نشریاتی ادارے سی سی ٹی وی کے مطابق، اتوار کی دوپہر گویژو صوبے کے شہر چیانشی میں ایک دریا  میں سفر کرنے والی  مسافر کشتیاں الٹ گئیں، جس کے نتیجے میں 84 افراد دریا  میں جا گرے۔

اطلاع کے مطابق پیر کی صبح تک نو افراد ہلاک، 70 اسپتال میں زیر علاج  اور چار محفوظ رہے، جبکہ ایک شخص لاپتہ ہے۔

سرکاری خبر رساں ایجنسی شنہوا   کا کہنا ہے کہ چینی صدر شی جن پنگ نے امدادی کاروائیوں اور زخمیوں کے علاج کے لیے "تمام تر کوششیں" کرنے پر زور دیا ہے۔

شی نے "سیاحتی مقامات اور دیگر بڑے عوامی مقامات پر حفاظتی اقدامات کو  بڑھانے  " کی ہدایت کی ہے۔

نائب وزیر اعظم ژانگ گوچنگ کو امدادی کارروائیوں کی نگرانی کے لیے جائے وقوعہ پر بھیجا گیا ہے۔

تحقیقات سے پتہ چلا ہے کہ کشتیوں پر  مسافروں  کی تعداد حد سے زیادہ نہیں تھی۔

اس  حادثے کے  دو ماہ قبل، وسطی چین میں ایک کشتی کے تصادم میں 11 افراد ہلاک ہو گئے تھے۔

ہونان صوبے میں ایک مسافر کشتی ایک صنعتی جہاز سے ٹکرا گئی تھی، جس کے نتیجے میں 19 افراد پانی میں جا گرے تھے۔