صدر رجب طیب ایردوان  کا کہنا ہے " ہمارا خطہ بحرانوں، جنگوں اور تنازعات سے نبردآزما ایک مشکل دور سے گزر رہا  ہے تو ہم نے اپنی قوم کو ان خطرات سے دور رکھا ہے۔"

ایردوان نے زور دے کر کہا کہ 107 سال قبل  سن 1919  میں  سامسون  شہر سے شروع ہونے والی آزادی کی ریلی آج ایک طاقتور  اور مضبوط ترکیہ کے راستے پر جاری ہے۔   آزادی سے مستقبل تک پھیلے اس راستے کے دو مضبوط نشان ہمارے ساتھ موجود ہیں۔ ایک طرف  باندرما   اور اس کے بالکل پاس ٹی سی جی انادولو بحری  جہاز ہے۔ یہ دونوں نشان  ترکیہ کے کہاں سے کہاں  تک پہنچنے کی عکاسی کرتے ہیں۔ اللہ کا شکر ہے، آج تک ہم طوفانی سمندروں میں ترکیہ کو محفوظ ساحل تک پہنچانے میں کامیاب رہے ہیں۔ ہمارے خطے کے بحرانوں، جنگوں اور تنازعات سے نبردآزما مشکل دور میں ہم نے اپنی قوم کو ان خطرات سے دور رکھا۔ ہم نے اپنی ملک کو کئی شعبوں میں تاریخی کامیابیاں اور تاریخی فتوحات دلائیں۔

ایک طالب علم کے 'دہشت گردی سے پاک ترکیہ' کے عمل کے بارے میں سوال پر ایردوان نے کہا، "جنوب مشرق اور مشرقی اناطولیہ میں دہشت گردی کے باعث ہمارے سامنے بہت سارے  مسائل تھے، مگر  شکر ہے کہ اب جنوب مشرق اور مشرقی اناطولیہ میں دہشت گردی نام کی کوئی چیز باقی نہیں رہی۔"

انہوں نے مزید کہا  خطے میں اب سکون کا ماحول ہےاور ہدف یہ ہے کہ جنوب مشرقی اور مشرقی علاقوں میں عمومی طور پر پرامن ماحول برقرار  رکھا جائے۔