عالمی  کپ کی میزبانی کرنے والے تین ممالک میں سے ایک امریکہ دوسری ہاف میں ریڈ کارڈ کے باعث ایک کھلاڑی کم ہونے کے باوجود بوسنیا ہرزیگووینا کو 2-0 سے ہرا کر راؤنڈ آف 16 میں پہنچ گیا ہے۔

پہلے ہاف میں امریکہ کو 1-0 کی برتری دلانے والے فلورین بالوگن کو میچ کے 64 ویں منٹ میں ریڈ کارڈ دکھا دیا گیا، جس کی وجہ سے ان کی ٹیم دس کھلاڑیوں تک محدود ہو گئی۔

بوسنیا کے کھلاڑیوں نے ریڈ کارڈ کا فائدہ اٹھاتے ہوئے مزید مواقع پیدا کیے، لیکن وہ ان پوزیشنز کو گول میں تبدیل کرنے میں ناکام رہے۔

ملک ٹلمین  نے 82 ویں منٹ میں پینلٹی ایریا کے بالکل باہر سے لی گئی فری کک کے بعد امریکہ کا دوسرا گول اسکور کر کے اپنی ٹیم کی فتح کو یقینی بنا دیا۔

امریکہ اب راؤنڈ آف 16 میں سیاٹل میں بیلجیم کا سامنا کرے گا جہاں دونوں ٹیمیں کوارٹر فائنل میں جگہ بنانے کے لیے مقابلہ کریں گی۔