کویت پیٹرولیم کارپوریشن  کے مطابق ،ایک  کویتی خام تیل ٹینکر 'الصالمی' پر  آج  صبح متحدہ عرب امارات کی دبئی پورٹ کے  قریب  ایک ایرانی ڈرون نے حملہ کیا۔

بتایا گیا ہے کہ  ٹینکر پر حملہ مقامی وقت کے مطابق گزشتہ شب  12 بجکر 10 منٹ پر  ہوا ۔

بیان میں مزید کہا گیا کہ واقعے کے وقت جہاز خام تیل سے مکمل طور پر بھرا ہوا تھا ۔

کویت نیوز ایجنسی (KUNA) کے ذریعے جاری کیے گئے بیان کے مطابق حملے سے ٹینکر کومادی نقصان پہنچا اور جہاز پر آگ بھڑک اٹھی۔

دبئی کے میڈیا آفس نے کہا کہ کسی کے زخمی ہونے کی اطلاع نہیں ملی اور ٹینکر کا تمام عملہ محفوظ ہے۔

دبئی حکام نے کہا کہ امدادی  ٹیموں نے صورتحال  کو کامیابی کے ساتھ قابو میں کر لیا اور مزید کہا کہ تیل کا کوئی رساؤ رپورٹ نہیں ہوا۔