سوٹزرلینڈ کے شمالی حصے میں واقع شہر 'آراو 'میں رات کے وقت منعقد ہ ایک محفلِ موسیقی  کے دوران فائرنگ کے نتیجے میں متعدد افراد زخمی ہو گئے ہیں۔

مقامی پولیس کی فراہم کردہ معلومات کے مطابق واقعہ زیورخ کے شمالی شہر میں پیش آیا  ہے اور واقعے کے بعد بڑے پیمانے پر کارروائی شروع کر دی گئی ہے۔ تاہم زخمیوں کی تعداد کے بارے میں تفصیلات فراہم نہیں کی گئیں۔

سوٹزر لینڈ کے روزنامہ 'بلیک' کی خبر کے مطابق  مقامی وقت کے مطابق رات 3 بجے سے کچھ دیر قبل، آراوئر ریو (Aarauer Rave) محفلِ موسیقی  کے مقام پر فائرنگ کی آوازیں سنی گئیں۔

ہفتے کے روز دِن 3 بجے شروع ہونے اور اتوار کی رات 2 بجے ختم ہونے والی اس سالانہ ٹیکنو محفلِ موسیقی  میں تقریباً 3,500 افراد نے شرکت کی۔

پولیس کی ترجمان وینیسا رومپولڈ نے کہا ہے کہ حملہ اسی ہپوڈروم میں ہوا جہاں موسیقی کی تقریب منعقد کی جا رہی تھی۔

انہوں  نے کہا کہ لوگوں کے ایک ہجوم کے درمیان کئی گولیاں چلائی گئیں۔

ایک عینی شاہد نے بھی بتایا  ہےکہ اس نے یکے بعد دیگرے کئی گولیوں کی آوازیں سنیں۔